Najum 1
1
1E poroka katar o Ninive. O lil katar iek sargo suno kai dikhla o Najum katar o Elkos.#Is 10.5-34; 14.24-27; Sof 2.13-15.
2E Devle inai leke drago kana blagosin averen delen,
dukhavel e llenen kai cheren leke o bilachipe
ta joliaol pe pe dusmanura.#Ek 20.5-6; Dt 4.24.
3O Del ni joliaol oma ta leki zor si bari,
ta ni ka mukel e bilachen bi te dukhavel len.
O Del phirel po bursin ta pe balavia,
ta e oblakura si o prajo
kai vazdiniaol telal tala leke porrne.
4Del pe mora, ta e mora sukol,
ta cherel te sukon sa e paia.
E vostanura katar o Basan
ta o Karmelo sukon,
ta i sukon e lulunlla katar o Libano.
5Angla le izdran e burdura,
bilaon kana vou avel.
E phuv izdral kana dikhel le,
ta izdral o sueto ta sa e llene kai zivin ande le.#Sal 97.5; Mik 1.4.
6¿Ko sai achel pe porrne angla leki joli?
¿Ko sai terpil leki joli?
Leki joli si sargo iag kai perel,
ta angla le phagon e pechine.
7O Del si lacho,
vou del zor ande nuzda,
ta pinllarel golen kai uzdinpe ande lete.
8A sargo baro bursin kai zatril sa,
gia ka zatril pe dusmanonen,
o truniariko ka perel pe lende.
9¿So mislin tumen te den po Del?
¡Vou ka zatril tumen sa!
¡Ta ni ka trubul le te dukhavel
dui droma pe dusmanonen!
10I te aven khuvde e llenenchar
sargo karrne,
ta te avena korre mate te denpe zor
ka phabon sargo patra suke.
11Tutar likisto o lleno
kai mislisailo o bilachipe po Del,
iek lleno kai sikavel o bilachipe.
12Goleke o Del phenel pe foroke:
I te avena e asiriura mai but ta mai zurale,
ka aven zatrime ta ka nakhen.
Me dukhadem tut,
ta ni ka dukhavav tut ios.
13Ka phagav o pharipe kai si pe tute,
ta ka chinav che lanchura.
14O Del phenda tutar charo katar o Ninive,
kai niko ni ka delpe golli katar cho anav,
ta ka zatriv o cher katar cho del
ta e slike kai cherde len e manusa,
kote ka thovav cho limori, soke sana bilacho.
E viasta kai o Ninive ka perel
15¡Dikhen! ¡Avel pe burdura
o bichaldo kai anel e viasta katar e pas!
Juda, cher tumare slave,
cher so achilan po alav.
Nikada ios ni ka den pe tute e bilache
soke von si sa zatrime.#Is 52.7.
Currently Selected:
Najum 1: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
