Mikeas 4
4
E charoina e Devleki
Is 2.2-4
1Ande llivesa kai ka aven mai angle,
ka avel thodo o burdo katar o cher e Devleko
upral pe burdura,
ta ka avel blagosime pe burdura,
ta ka prasten lete sa e phuvia.
2Ta ka aven but phuvia ta ka phenen:
aven te lika po burdo e Devleko,
kai o cher katar o Del e Jakobeko,
ta ka sikavel amen pe droma
ta ka phira pe leke droma.
Soke katar o Son ka likel o zakono,
ta katar o Jerusalem o alav e Devleko.
3Ta o Del ka del pe but phuvia,
ta ka ortol phuvia zurale kai si dur,
ta von ka cheren pe jarnia
sastri kai putaren lea e phuv,
ta pe lanse ka cheren len
churia bangarde kai chinen o lliu.
Ondaka ni ka marenpe e jarnienchar phuv phuviaia,
ta ni ka sikon ios te marenpe.
4Suako iek ka besel telal tala po kas drakhako,
ta niko ni ka daraven len ios.
¡Gia phenda le o Del
kai si le sa e zor!#Zak 3.10.
5Ogola forura kanden pe delen
a amen ostade ka kanda
amaro Gazda, o Del.
O Del ka braduil pe foro
6Gia phenel o Gazda:
7Gua llive ka chidav me bakren
kai dukhadem,
ta kai langan, chinie ta rispime.
Lendar, katar gola kai langan
ka vazdav iek foro zuralo.
Me, o Del, ka charoiv pe me foro,
akana ta ostade.#Is 40.1; Ez 34.11-16; Sof 3.19; Jn 10.7-16.
8Ta tu Jerusalem, kai san o cher zuralo katar o Sion,
pale ka avel tut o gazdaripe kai saia tut,
e glamni chei kai sana omanglal.
9Akana phen mange: ¿Soke urki gia,
sargo iek diskinia kai maladol lake?
¿A so, inai tut charura?
¿O urki soke che llene bizai mule?
10Rov ta urkisar, chorrie katar o Sion,
sargo diskinia kai maladol lake,
soke akana ka like katar o foro, ta ka zivi ando vos
ta i llik kai e Babilonia ka ave.
A kotar ka braduil tut o Del,
ka braduil tut katar che dusmanura.
11Akana but phuvia
chidinaile te marenpe tuia,
ta phenen:
¡Te achel o Jerusalem ando lallao!
¡Gia sukar ka avel te dikha amare akhenchar gaia ezgoda!
12A gala phuvia ni pinllaren
o mislo e Devleko,
ta kai vou chidel len sargo umpe lliu
te sai ikanel lendar e kuchorra.
13¡Uste chorrie katar o Sion,
ta ikan lendar e kuchorra!
¡Me ka dav tut singa sastrune
ta unlle tuchne,
te drobo bute foronen!
Ta o barvalipe kai ka le lendar,
ka de le e Gazdake katar sa e phuv.
Currently Selected:
Mikeas 4: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
