Mikeas 2
2
E zor katar e dusmanura
1¡Tesko golenge kai i kana soven
mislin te cheren o bilachipe,
ta cheren le kana pharrudon e zore,
soke si len e zor ande lenge va!
2Zelin e ezgode katar aver llene ta len len,
zelin chera ta len peke lende.
Ustaven e muruse ta leke familia,
e muruse ta leke phuvia.
3Goleke gia phenel o Del:
I me mislisailem te cherav tumenge o bilachipe.
Ka bichalav tumenge iek bari patnia,
kai nasti ka nasen latar
ta ni ka llan ios barikamaia,
soke o vreme ka avel bilacho.
4Gua llive e llene ka llilaben tumenge
llilia zalbake, kai ka phenen gia:
Amen sam sa zatrime
O Del cherda te na llal sukar amare foroke.
¡Lia amendar amare vostanura
ta fulada len!
5Goleke ni ka avel ko te fulavel e phuv
ando foro e Devleko.
E bilache poraukura
6Von phenen:
¡Na poraukin amenge!
¡Ni ka avel pe amende e zatrania!
7¿O foro katar o Jakob si proketo?
¿Ni terpil ios o Del?
¿Gia si sar cherel e ezgode o Del?
¿Ni ka cheren lachipe leke alava
e lleneke kai si orta?
8Tumen, kai omanglal sena mo foro,
akana sen me dusmanura.
Tumen len o gertachi katar e llene kai nakhen,
sargo kana von marenape tumenchar.
9E diskinien katar mo foro traden len avri,
katar lenge chera kai von volin,
ta katar lenge minonen
lien o liubao ostade.
10¡Usten! ¡Phiren!
Kate inai than te lelpe tumendar o chinipe.
¡Gava than si pogano
ta sa ka avel peradino!
11Te avela fiko kojaimaia, ta phenela:
Me poraukiv katar e mol ta e rachia,
ondaka o foro mislil letar kai vou si profeta chachuno.
O Del achel po alav kai ka braduil pe foro
12Chachimaia phenav chuke Jakob,
kai ka chidav so ka achel katar o Israel.
Ka chidav len sargo e stoka katar o Bosra,
sargo e bakre jan e char,
ta divonpe kana dikhen bute llenen.
13O lleno kai putarel lenge drom ka llal angla lende,
ta von ka llan pala le,
ta kana o drom ka avel putardo,
ka den ta ka liken katar o udar.
Me, o Gazda, sem lengo charo,
ta ka llav angla lende.
Currently Selected:
Mikeas 2: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
