Mateo 3
3
O Juan gua kai kristila
Mk 1.1-8; Lk 3.1-9,15-17; Jn 1.19-28
1Nakhle e bursa ta o Juan gua kai kristila sikadilo po pusto katar e Judea. 2Ta phenela: ¡Irin tumen katar tumare bilache droma soke e charoina e Devleki si pase!#Mt 4.17; Mk 1.15.
3O profeta o Isaias dela orba katar o Juan kana phenda:#Is 40.3.
iek lleno urkil po pusto:
Lacharen o drom e Gazdako,
putaren leke iek drom orta.
4E Juaneke patave sea cherde katar e bal e devake, ta saia le iek kavisi morchako, ta leko jape saia langoste ta aullin kai rodela pe burdura.#2 R 1.8. 5Sa e llene katar o Jerusalem ta e llene katar e phuv e Judeaki, ta katar sa e forura kai si truial katar o Jordan llana te asunen le. 6Ta phenena sa po bilachipe, ta o Juan kristisarela len ando pai katar e len kai ikhardol Jordan.
7Kana dikhla vou kai but katar e fariseura ta i katar e saduseura avena kai leko kristope, phenda lenge: ¡Vicha sapengi! ¿Ko phenda tumenge kai ka nasen katar e bari patnia kai ka avel?#Mt 12.34; 23.33. 8Cheren ezgode te sai dikhol bristomaia kai irisailen kai o Gazda, 9na istardon ta na phenen isto tumenge:#Jn 8.33.
Amen sam katar e vicha e Abraameki. Soke chachimaia phenav tumenge kai llik gale barren o Del sai cherel len vicha e Abraameki. 10O tover si thodo te chindol lea e kasta llik katar lenge zile. Suako kas kai ni del lache septelie chindol ta chudiniaol ande iag.#Mt 7.19. 11Me, chachimaia kristiv tumen e paiea te sai irin tumen katar tumare bilache droma. A gua kai avel mapalal mandar, vou si mai zuralo neko me, kai ni sem lacho ni te inllarav leke sinele. Vou ka kristil tumen e Santone Duoia ta e iagaia. 12E pala si ande leko va, ta ka chistol o lliu ta ka fulavel le katar e char e suki. Ta ka guruvel po lliu ando cher kote kai gurudol o lliu, a e char suki ka phabarel la ande iek iag kai nikada ni merel.
O kristope e Jesuseko
Mk 1.9-11; Lk 3.21-22
13Ondaka o Jesus avilo katar e Galilea kai e len katar o Jordan, kote kai saia o Juan te sai avel kristime letar. 14A o Juan ni kamela, ta phenela:
Tu trubul te kristo man, ¿A tu ave mande?
15O Jesus phenda leke:
Muk te avelpe gia akana, soke gia si mai sukar te chera sa so si orta angla o Del.
Ondaka o Juan mukla le. 16Kana o Jesus kristisailo, likisto katar o pai ta o miloso putailo leke ta dikhla kai o Duo e Devleko fuliela sargo iek gulubo upral pe lete. 17Ondaka asundilo iek avazi katar o miloso kai phenela: Gava si mo Chaurro kai voliv le.#Jen 22.2; Sal 2.7; Is 42.1; Mt 12.18; 17.5; Mk 1.11; Lk 9.35.
Currently Selected:
Mateo 3: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
