Josue 14
14
O Josue fulavel e phuv ando Kanaan
1Gala si e phuvia katar o Kanaan kai o popo Eleazar, o Josue chavo katar o Nun ta e gazda katar e familie katar e viche israelitura die e israelitonenge. 2Ta cheldepe te sai fulaven e phuv maskar e inia ta dopas viche, sar phendaia le o Del e Moiseke te cherel le.#Nm 26.52-56; 34.13. 3Omanglal o Moises fuladaia phuvien pe ogoia rig katar o Jordan e vichenge katar o Ruben, o Gad ta e dopase vichake katar o Manases. E vichake katar o Levi ni fulada lenge phuvien.#Nm 32.33; 34.14-15; Dt 3.12-17. 4E chave katar o Jose sea dui viche, e Manaseki ta e Efraineki, a e levitonenge ni fulada ni iek phuv, samo e forura te sai zivin, ta vostanura te bariaren guruven ta bakren. 5E israelitura fulade e phuv isto gia sar phendaia le o Del e Moiseke.
E phuv katar o Kaleb
6E chave katar o Juda llele ando Gilgal te den orba e Josuea. Ta o Kaleb o kenezita chavo katar o Jefune phenda e Josueke:
De tut golli so phenda o Del tutar ta mandar e Moiseke ando Kades Barnea.#Nm 13.6; 14.30; 26.65; 32.12. 7Mange sea saranda burs kana o Moises bichalda man katar o Kades barnea te dikhav e phuv, ta kana irisailem diem orba chachimaia.#Nm 13.1-30. 8Gola kai llele manchar cherde te daral o foro, a me achilem orta angla mo Del ta Gazda. 9Ondaka o Moises jala sovel gia:
E phuv kai thodan cho porrno ka avel ostade chiri ta che chaveki, soke sana orta angla mo Del ta Gazda.#Nm 14.24. 10Nakhle saranda ta panch burs sar kana o Del phenda gua alav e Moiseke kana e israelitura phirena po pusto. Prema leko alav akana si mange ojtovardes ta panch burs ta o Del arakhla mo zivoto, 11ta sem zuralo sargo kana o Moises bichalda man te dikhav e phuv ta sai marav man sargo sema omanglal. 12Goleke akana mangav tutar te de man o burdo kai o Del phendaia kai ka del man, soke tu asundan gua llive kai e chave katar o Anak zivin kote ta kai si bare forura kai si len zidura truial lendar. Te pomozil man o Del te tradav len kotar, sar phendaia le.#Jue 1.20.
13Ondaka o Josue blagosisarda e Kalebe ta dia le o Jebron te avel leki phuv ta katar leke chave. 14Gia o Jebron achilo e Kalebeke ta leke chaveke llik akana, soke o Kaleb saia orta angla o Gazda, o Del e Israeleko. 15O purano anav katar o Jebron saia Kiriat Arba, soke Arba saia iek chavo pinllardo katar o baro lleno o Anak.#Jos 11.23.
Mapalal ni saia ios maripe ande phuv.
Currently Selected:
Josue 14: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
