Josue 12
12
E phuvia kai lia o Moises
1Gala si e charura kai e israelitura dobisarde len pe rig kai likel o kham katar o Jordan ta e phuvia kai lie katar o pai o Arnon llik kai o burdo o Jermon, ta e bari umal katar o Jordan pe rig kai likel o kham:
2O Sijon, charo katar e amorreura kai zivila ando Jesbon. Leki charoina saia katar Aroer pasa o pai o Arnon, katar e bari umal kai si po maskaral katar e phuv llik kai o pai o Jabok, kai si e phuv katar e amonitura.#Dt 1.3-4; 2.24-37. 3Ta e thana kai si pe rig kai likel o kham katar o Jordan, katar e len e Kineret llik kai e Mora Londi po drom katar o Bet Jesimot, ta pe rig sur tele katar o burdo o Pisga.
4O Og charo katar o Basan kai achiloia katar e refaitura ta kai zivina ando Astarot ta ando Edrei. 5Leki charoina saia katar o burdo o Jermon katar o Salka ta katar sa e phuv katar o Basan llik o Gesur ta o Maaka. Ta llik dopas katar o Galaad kai saia katar o Sijon, charo katar o Jesbon.#Nm 21.21-35; Dt 2.26—3.11.
6O Moises ta e israelitura dobisarde gale charonen, ta o Moises dia gale phuvia e vichenge katar o Ruben katar o Gad ta katar o dopas vicha e Manaseki.#Nm 32.33; Dt 3.12.
E phuvia kai lia o Josue
7Gala si e charura kai o Josue ta e israelitura dobisarde pe rig kai perel o kham katar o Jordan, maskar Baal Gad ande bari umal katar o Libano ta o burdo o Jalak kai si pasa o Seir. O Josue fulada e phuvia katar gala charura maskar e viche katar o Israel te avel lengi phuv.#Jos 11.17. 8E burdura, e bari umal, o than katar o Jordan, e thana pasa e burdura, o pusto ta o Negeb. Gala phuvia sea katar e jititura, amorreura, kananeura, ferezeura, jeveura ta e jebuseura.#Jos 11.16.
9E charura kai dobisarde sea o charo katar o Jeriko, katar o Ai kai si pasa o Betel, 10katar o Jerusalem, katar o Jebron, 11katar o Jarmut, katar o Lakis, 12katar o Eglon, katar o Gezer, 13katar o Debir, katar o Geder, 14katar o Jorma, katar o Arad, 15katar o Libna, katar o Adulam, 16katar o Makeda, katar o Betel, 17katar o Tapuaj, katar o Jefer, 18katar o Afek, katar o Saron, 19katar o Madon, katar o Jasor, 20katar o Simron Meron, katar o Aksaf, 21katar o Taanak, katar o Megido, 22katar o Kedes, katar o Jokneam ando Karmelo, 23katar o Dor ande phuv katar o Dor, katar o Goim ando Gilgal, 24ta katar o Tirsa. Sa sea tranda ta iek charura.
Currently Selected:
Josue 12: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
