Joel 1
1
E langoste jan o lliu
1O alav e Devleko kai avilo e Joeleke, chavo katar o Petuel.
2Asunen tumen e phure,
ta sa tumen e llene kai zivin ande phuv.
¿Dikhlen fisavi drom gaia ezgoda?
¿Dikhle la tumare purane?
3Phenen le tumare chavenge,
a tumare chave te phenen le pe chaurrenge,
ta lenge chaurre te phenel le ogole vichake.
4So ni jala o chermo, jala le e langoste
ta so mukle gola langoste, avile aver langoste ta jale le.#Dt 28.38; Jl 2.2-11; Am 4.9; 7.1.
5¡Usten tumen e matarne, ta roven!
¡Thoven te roven tumen kai pien mol,
soke ka len katar tumaro mui e mol!
6Soke iek foro baro kai nasti llindol dia ande murni phuv,
leke danda si danda lionoke,
ta leke tharia si tharia lionoke.#Apo 9.8.
7Zatrisarda me vostanura drakhake,
chinda mo kas simochinengo
jaliarda leke krangura
lligo ni achile parrne.
8Rov sargo bori kai thovel pe pete patave zalosne
soke mulo lako terno kai saia te zinilpe laia.
9Ni dikhol ios e ofrenda
ta e ofrenda moliaki ando cher e Devleko,
e popura kai radin e Devleke si zalosne.
10E umalia si zatrime,
e phuv si zalosni
soke jasailo o lliu
e vostanura drakhake sukile
jasailo o zeitino.
11Tumen kai radin ande umalia ta ande vostanura drakhake,
roven tristomaia,
soke jasaile e simiche
ta jasailo o lliu ta e sebada.
12Sukile e vostanura drakhake
ta jasaile e kasta simochinenge.
Sukile e granade, e palmere ta e kasta e phabaiake,
sukile sa e kasta katar e umalia.
¡Gia jasaili e veselia katar sa e llene!#Os 4.3; Am 4.6-9.
13Tumen e popura kai radin ando altar,
thoven pe tumende patave zalosne ta roven dukhaia,
soke ando cher tumaro Devleko
inai lliu ta mol te den ofrenda, ta ofrenda moliaki.
14Ikharen te chidiniaon e llene ta te cheren alluno,
chiden ando cher e Devleko
e poponen ta sa e llenen katar e phuv,
ta ikharen e Devle.
15¡Ioi o llive e Devleko si pase!
Llive kai anel e zatrania
katar e Del kai si le sa e zor.#Is 13.6; Ez 30.2-3; Sof 1.14-18.
16¿Ni lie amaro jape angla amare akha,
ta inai ios e veselia ando cher e Devleko?
17E simicha muli ande phuv,
jasailo o lliu
e chera kai gurudol o lliu si sa peradine.
18¡Sar basen e zivirinie!
E guruva roden char samo gia
ta e bakre meren soke inai char.
19Me ikharav tut Devla,
soke e iag phabarda
e char ta e kasta kai sea ande umalia.
20Ta i e zivirinie dive ikharen tut,
soke sukile e paia
ta e iag phabarda e patra zelene.#Am 7.4-5.
Currently Selected:
Joel 1: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
