Job 27
27
Job
1O Job phenda:
2O Del kai ni kamel te cherel mange o chachipe,
gua kai si le sa e zor ta kai tristosarda mo zivoto,
ande leko anav dav tumen mo alav,
3kai sa o vreme kai ka ziviu,
ta avela man o duo zivotoko kai del man o Del,
4ni ka dav orbe bilache,
ta ni ka likel katar mo mui o kojaipe.
5Te na avelpe nikada me te phenava
kai tu san ando chachipe,
llik kai o meripe ni ka mukav mo chachipe.
6Mo chachipe istardem le, ta ni ka mukav le,
sogo ziviva mo lio ni ka dosarel man.
7Daboida te na pachal ando Del ko marelpe manchar,
ta te cherdol bilacho mo dusmano.
8Soke ¿so aduricharel gua kai ni pachal ando Del,
ta kai chorda but ezgode a o Del ka lel leko zivoto?
9¿Ka asunel o Del leko molipe
kana ka avel ande nuzda?
10¿Ka veselilpe ando Del kai si le sa e zor?
¿Ka molilpe e Devleke ande suako vreme?
11Me ka sikavav tumenge savi zor si e Devle,
ni ka guruvav tumendar
so mangel te cherel o Del kai si le sa e zor.
12A te dikhlen sa gala ezgode,
¿Soke den gachin orbe dile?
Sofar
13Gaia si e duk kai o Del kai si le sa e zor
ka del e llenen kai ni pachan ande le,
ta golen kai si silne.
14I te avena le but chaurre,
ka meren po jarni o ni ka avel len so te jan.
15A gola kai ka achen llunde
ka meren pala iek muka
ta lenge phivlia ni ka roven pala lende.
16I te chidela o rup sargo o prajo,
ta te aven le patave pe umpe,
17vou ka lacharel sa, a o lleno chacho ka furiadol
ta o chacho ka fulavel o rup.
18Cherda po cher sargo e papuruga,
ta sargo o cherorro goleko kai arakhel.
19Orachaia perel peke barvalo,
a thiarinako ustel chorro.
20Ollivesea perel pe lete e dar sargo o pai,
ta e balav inllarel le orachaia.
21Inllarel le e balav kai avel katar perel o kham,
chirdel le katar leko cher ta ni dikhol ios.
22O Del chalavel pe lete ta ni ka prostil,
a vou ka mangel te kurtulilpe katar o Del.
23Ka maren leke ande palme
ta kaigo ka llal ka den leke sol espurniaia.
Currently Selected:
Job 27: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
