Job 19
19
Job
1Ondaka o Job phenda lenge:
2¿Gachin ios ka dukhaven mo lio,
3ta ka den man joli tumare alavenchar?
4I te avela chachipe kai sem dosalo,
pe mande ka perel o bilachipe.
5A te cherden baripe pe mande,
ta tumare orbenchar thoven man ando lallao,
6o Del perada man,
ta ulisarda man ande pi mreza.
7Me ka urkiu kai maren man,
ta niko ni ka asunel man,
ka urkiu ta niko ni ka dikhel o chachipe.
8Phanglo mo drom si e kastenchar
ta nasti ka nakhav,
ta pe mo drom si o truniariko.
9Lia mandar mo baripe,
ta lia mandar mi korona.
10Pe suako rig murisarda mange, ta merav,
cherda te perel sargo iek kas so adurucharava.
11Leki joli phabili pe mande
ta llinda man sargo leko dusmano.
12Chidinaile leke boñikura,
avile pe mande, lachardepe te marenpe
ta thodepe truial katar mi chara.
13Cherda te durion mandar me phlal,
ta gola kai pinllarena man durile mandar
sargo kana ni pinllarena man.#Sal 31.11; 38.11; 69.8; 88.18.
14Mi familia mukla man,
ta gola kai pinllarena man bristraile mandar.
15Gola kai zivin ande mo cher
ta me sluge dikhle pe mande
sargo kana ni pinllaren man,
dikhena man sargo kana sema avere phuviengo.
16Ikhardem me sluga ta ni dia anglal,
a moliv man leke.
17Mi rromi ni pinllarel mo aburo,
a molivaman lake pala me chaurre.
18I e chaurre maren mandar espurnia
kana ustav ta den orbe bilache mandar.
19Sa me amal murzisarde pe mande,
ta gola kai voliva cherdile me dusmanura.#Sal 41.9.
20Mo mas ta mi morchi lipisaile pe me kokala,
i me danda peletar.
21¡Tumen kai sen me amal,
te avel tumenge zalba mandar!
soke o Del thoda po va pe mande.
22¿Soke llan pala mande sargo o Del,
ta ni chalion katar mo mas?
23¡Volisardema te pisin me alava pe iek lil!
24¡So volisardema te len iek chokano sastruno
ta e rupea te maren po barr me alava
ta te achen ostade!
25Me llanav kai mo braduimari zivil
ta kai po son ka ustel upral po prajo,
26ta kana ka chudav gaia morchi
me masea ka dikhav e Devle,
27Ta ka dikhav le isto me, me akhenchar,
ni ka dikhel le aver, i te merava andral.#Job 42.5.#Job 42.5.
28A tumen saia te puchen tumen:
¿Soke amen lla pala lete?
Soke sogo nakhav si isto pala mi dos.
29Tumen si te daran angla o jarni,
soke e joli katar o jarni avel
kana phagen o chachipe,
te sai llanen kai si iek kris.#Sal 58.11.
Currently Selected:
Job 19: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
