Job 17
17
1Inai man duo, me llivesa chiknion,
ta chinado si mange o limori.
2Samo llene kai dukhaven man si manchar,
ta guia duk dikhav suako llive.
3Pochin cheres ma Devla,
mangav te arakhe man pasa tu.
¿Ko sai del anglal cheres ma?
4Soke katar gala llene gurudan o bizape,
goleke ni ka blagosi len.
5Ko phukavel pe amale te lel peke love,
leke chaurre ni ka avel len vlaga.
6E llene ande forura den me orbe,
ta kogo dikhel man marel mandar espurnia.
7E dukhatar nasti dikhav pe me akha,
ta sa me mislura si sargo iek senka.
8E llene chache chudinpe katar gaia ezgoda,
ta e lache ka vazdiniaon pe bilache.
9A o lleno chacho ka llal pe po drom
ta gua kai si chiste leke va ka avel mai zuralo.
10A akana irin tumen saurre, aven akana,
ta ni ka malavav ni iek bizai maskar tumende.
11Me llivesa nakhle, ta ni misliu man
ande ezgode kai mangava te cherav.
12Thoden e riat po llive, ta o villelo
cherdol mai minono angla o truniariko.
13A so aduricharav si te avel mo cher o meripe
ando truniariko buliardem mange.
14E limoreke phenav:
¡Tu san mo dad!
e chermenge:
Tumen sen mi dei ta me phei.
15¿Kai si akana so aduricharav?
Ta ¿ko ka dikhel so me aduricharav?
16Chak andre ando limori ka fulien,
ando prajo ka fulien manchar.
Currently Selected:
Job 17: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
