Jeremias 6
6
O dusmano thovel pe truial katar o Israel
1Nasen chavalen katar o Benjamin,
katar o Jerusalem ta basalen e sing ando Tekoa,
ta cheren te dikhol o thuv upral po Bet Akerem,
soke katar o norte dikhilo o bilachipe
ta bari duk.
2Ka zatriv e sukar ta suki chei katar o Sion
3Ka aven pe late e chobanura ta lenge stoke,
pasa late ka inzaren pe chare,
suako iek ka del te jan pe bakren pe po than.
4Phenen kai ka maren tumen laia,
usten ta mara amen laia ande desudui e lliveseke.
¡Tesko amenge! kai llaltar o llive,
kai avile e senke pasa e riat.
5Usten ta mara amen laia orachaia,
ta phaga lake bare chera.
6Soke gia phenda o Del kai si le sa e zor:
¡Chinen kasta ta cheren sargo iek phurd
po Jerusalem! Gaia phuv trubul te avel dukhadi,
soke voi si pherdi silnope.
7Gia sar ni achel o pai kai likel katar e phuv,
isto gia ni achel te likel latar o bilachipe.
Andre delpe orba katar o choripe ta o kojaipe,
ta suako drom angla mande si rane
ta nasualipe. 8Ortosao Jerusalem,
te na durivav tutar, te na cherav tut pusto,
te na cherav tut phuv kai ni blazil.
Phendol e duk
9Gia phenda o Del kai si le sa e zor:
Rode sargo e drak so achel katar o Israel,
thov cho va ta rode maskar e kastorra drakhenge
sargo o lleno kai chidel e drak.
10¿Kaia ka dav orba ta pe ka ka dav te asunen?
Lenge kan si phangle ta nasti asunen,
lallan katar o alav e Devleko, ni volin le.
11Goleke sem pherdo katar e joli e Devleki
ta sem chinio te achavav la.
Ka mukav te perel pe minone kai si po drom,
ta pe chave kana chidiniaon,
soke ka aven phangle o murus ta e diskinia
kai si zinime, o purano ta o phuro.
12Ta lenge chera ka nakhen avere lleneke,
lenge umalia ta i lenge diskinie,
soke ka vazdav mo va pe llene kai zivin pe phuv,
gia phenel le o Del.
13Soke katar o mai minono llik kai o mi baro,
suako iek merel pala e love,
ta katar o profeta llik kai o popo, sa kojaven.#Jer 8.10-12.
14Sastaren e duk katar mo foro uprorral
ta phenen:
Pas, pas, a inai pas.#Jer 8.11; Ez 13.10.
15¿Lallaile katar o gado kai cherde?
Chachimaia ni lallaile, ta ni llanen so si o lallao,
goleke ka peren maskar gola kai ka peren,
kana ka aven dukhave ka peren,
gia phenel le o Del.
O Israel ni kandel
16Gia phenda o Del:
Thoven tumen pe porrne
pe droma, dikhen ta phuchen
pe droma e purane, savo avela o lacho drom
ta phiren pe lete, ta ka lelpe o chiñipe
katar tumaro zivoto. A von phende:
Ni ka lla.#Mt 11.29.
17Bichaldem pe tumende llenen kai prezon te phenen tumenge:
Thoven sama kana ka basel e tuturuga.
A von phende:
Ni ka thova sama.
18Goleke asunen phuvialen,
ta acharen tumen kai chidinaon,
so ka avelpe lenchar.
19Asun phuv:
Me anav bilachipe pe gava foro,
so del len lenge mislura, soke ni asunde
me alava, ta murzisarde pe mo zakono.
20¿Soke anen mange katar o Seba
taimano ta kastorra gugle katar e phuvia
kai si dur? Tumare kurbanura phabarde
ni kamam len, ni tumare kurbanura
inai mange drago.
21Goleke o Del phenel gia:
Me thovav lenge vareso te peren,
ta ka peren e dada ta e chave,
iek lleno ta i gua kai zivil pasa lete ka meren.
Aven te maren len katar o norte
22Gia phenda o Del:
Avel iek foro katar o norte, iek bari phuv
ka vazdiniaol katar e rig kai si mai dur.
23O arko ta o pulso ka istaren ande pe va,
von si bilache ta ni ka avel lenge zao,
basen sargo e mora, ta ka llan pe gra
te marenpe tuia, chei katar o Sion.#Jer 50.41-43.
24Samo kai asundam sar si von,
estuknisaile amare va daratar
ta dukhaia amen sargo iek diskinia
kai maladol lake.
25Na like pe umalia, ta na phir po drom,
soke o jarni katar o dusmano
ta e dar si pe suako rig.#Sal 31.13; Jer 20.3-10; 46.5; 49.29; Lm 2.22.
26Chei me foroki, taulisao po prajo
ta thov le pe cho soro, achi zalosno
sargo kana mulo chuke cho edino chaurro,
rov bare ausenchar
soke oma ka avel pe amende o dusmano.
27Thodem tut sargo iek zido ande mo foro, sargo iek cher vazdino, goleke ka prezo sar si lengo drom.
28Saurre ni kanden, ta si besne, samo orbe den,
ta i bichindon, von si sargo tuch ta sastri.
29Phabilo o pisot, pala e iag phabilo o molivi,
samo gia bilada o lleno kai bilavel,
soke e mel ni likisti letar.
30Ka ikharen tumen rup chudino,
soke o Del chudia tumen.
Currently Selected:
Jeremias 6: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
