Jeremias 38
38
Chuden e Jeremiase ande iek bunari suko
1O Sefatias chavo katar o Matan, o Gedalias chavo katar o Pasur, o Jukal chavo katar o Selemias ta o Pasur chavo katar o Malkias, asunde kai o Jeremias phenela gia sa e foroke: 2Gia phenda o Del:
Kogo achela ande gava foro ka merel po jarni, O bokhatar, o nasualimatar. A ko ka llal pe rig katar e kaldeura ka zivil, soke lengo zivoto ka avel lengo chari, ta ka zivin.#Jer 21.9. 3Gia phenda o Del:
Chachimaia gava foro ka avel dino ande va katar e boñikura e charoke katar e Babilonia, ta ka lel le.
4Ta e sudura phende e charoke:
Te merel akana gava manus, soke cherel te jasaren e vlaga e llene kai achen ande gava foro kai llan te marenpe, ta sa e llene katar o foro, pala e orbe kai phenel lenge, soke gava lleno ni rodel a pas gale foroke, vou rodel o bilachipe.
5Ta o charo o Sedekias phenda:
Vou si ande tumare va, me nasti cherav tumenge niso.
6Ondaka von istarde e Jeremiase ta chudie le ando bunari katar o Malkias chavo katar o Malkias chavo katar o Amelek, ta thode le andre e solenchar. Ta ando bunari ni saia pai, andre saia glibo, ta o Jeremias achilo andre ando glibo.
7Kana o charo besela po udar katar o Benjamin, O etiope o Ebed Melek eunuko katar o charoko cher kai vou thodaia e Jeremiase ando bunari, 8likisto katar e charoko cher ta phenda gia e charoke:
9Gazda murno ta charo, ni cherde sukar ande sa e ezgode kai cherde e profetake e Jeremiaseke, kai chudie le ando bunari, ta kote ka merel bokhatar soke inai ios marrno ando foro.
10Ondaka o charo bichalda isto gole etiope o Ebed Melek, ta phenda leke:
Le tuia tranda llene katar ta ikan katar o bunari e profeta e Jeremiase, mai anglal te merel. 11Ta inllarda pea e llenen ta dia ande charoko cher ta katar o than kai guruven e patave ikande kirpe ta patave purane ta chudia len ando bunari kai o Jeremias iekhe solenchar. 12Ta o etiope phenda e Jeremiaseke:
Thou gala kirpe ta patave purane tala che pakha telal katar e sole ta o Jeremias cherda le.
13Ta gia vazdie e Jeremiase ta ikande le e solenchar katar o bunari ta vou achilo ande bar katar e rubie.
O Sedekias bichalel te ikharen e Jeremiase
14Mapalal o charo o Sedekias phenda te anen e profeta e Jeremiase kote kai saia vou, kai o trito than katar delpe andre ando cher e Devleko. Ta o charo phenda e Jeremiaseke:
Ka puchav tut iek ezgoda, ta mangav te phen mange sa so llane.
15Ta o Jeremias phenda leke:
I te phendem chuke sa, tu ka mundare man, a te phendem chuke so te chere ni ka thove mange sama.
16Ta o charo o Sedekias jala sovel e Jeremiaseke po chorial ta phenda leke:
Ando anav e Devleko kai dia amen o zivoto, phenav chuke kai ni ka mundarav tut ta ni ka dav tut ande va katar gala llene kai roden te mundaren tut.
17Ondaka o Jeremias phenda e Sedekiaseke:
Goa phenda Gazda o Del kai si le sa e zor, Del katar o Israel:
Te dian tut isto akana kai e sudura katar o charo katar e Babilonia, ka zivi ta ni ka phabaren gava foro ta ka zivi tu ta chi familia.
18A te na dian tut kai e sudura katar o charo katar e Babilonia, gava foro ka avel dino ande va katar e kaldeura ta ka phabaren la ta nasti ka nase katar leke va.
19Ta o charo o Sedekias phenda e Jeremiaseke:
Dar mange katar e judiura kai llele pe rig katar e kaldeura, soke sai den man ande lenge va ta ka muken man ando lallao.
20Ta o Jeremias phanda:
Ni ka den tut nikate. Asun akana o alav e Devleke kai phenav chuke ta ka llal chuke sukar ta ka zivi.
21A te na manglan te de tut, gava si so sikada mange o Del: 22Sa e diskinie kai achile ando cher katar o charo katar o Juda, ka aven ikande ta ka den len kai e sudura katar o charo katar e Babilonia ta isto e diskinie ka phenen:
E Mai lache pharnave katar o charo
kojade le ta dobisarde le.
Mukle te den ando glibo leke porrne,
die le e zea ta mukle le.
23Ta o Jeremias ni achilo ta phenda:
Sa che diskinie ta che chaurre ka aven dine kai e kaldeura ta tu nasti ka nase katar lenge va, o charo katar e Babilonia ka phandel tut ta ka phabarel gava foro.
24Ta o Sedekias phenda e Jeremiaseke:
Te na llanel niko so phendan mange ta ni ka mere.
25A te llangle e sudura kai diem tuia orba ta te avile tute ta te phende chuke:
Phen amenge akana so phendan e charoke ta so phenda vou chuke ta na kojav amen, te na mundara tut, 26tu ka phene lenge gia:
Molisailem e charoke te na bichalel man kai e Jonataneko cher soke kote ka merav.
27Ondaka avile sa e sudura kai o Jeremias ta puchle le, a vou phenda gia sar phenda leke o charo. Ta lleletar soke goia orba ni asundili. 28Ta o Jeremias achilo ande bar katar e rubie lligo ni dobisarde peke o Jerusalem.#Ez 33.21.
Currently Selected:
Jeremias 38: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
