Jeremias 24
24
Sargo suno katar e kotariche simochinenge
1Mapalal kana inllarda o Nabukodonosor charo katar e Babilonia e Jekoniase chavo katar o Joasim charo katar o Juda, e llenen mai preche katar o Juda, e llenen kai cheren ezgode sukar ta golen kai sea kovacha ando sastri katar o Jerusalem, ta mapalal kana inllarda len ande Babilonia, o Del sikada mange dui kotariche simochinenge kai sea thode angla o cher e Devleko.#2 R 24.12-16; 2 Kr 36.10. 2Iek kotaricha saia la simochine but lache, sargo e bare simochine, a ande ogoia kotaricha sea simochine but bilache, gia bilache sea kai nasti janape.
3Ondaka o Del phenda mange:
¿So dikhe tu Jeremias? Me phendem:
Simochine, simochine lache, but lache, ta bilache, but bilache, gia bilache kai nasti janpe.
4Ta avilo mande o alav e Devleko kai phenda mange: 5Gia phenda o Gazda o Del katar o Israel:
Sargo pe gala simochine lache, isto gia ka dikhav pe llene kai inllarde len katar o Juda, golen kai chudiem katar gava than te llal lenge sukar ande phuv katar e Kaldeura. 6Soke ka dikhav pe lende te llal lenge sukar, ta ka iriu len kai gaia phuv ta ka lacharav len ta ni ka zatriv len, ka thovav te achen kote ta ni ka ikanav len. 7Ta ka thovav ande lengo lio te pinllaren man kai me sem o Gazda, ta ka aven mo foro ta me ka avav lengo Del, soke ka irinpe mande sa pe liea.
8A sargo e simochine bilache, kai si gia bilache kai nasti janpe, isto gia ka thovav e Sedekiase charo katar o Juda, leke sudonen ta e llene kai achile katar o Jerusalem ande gaia phuv, ta golen kai zivin ando Ejipto. 9Ta ka cherav te maren lendar espurnia ta te aven o bilachipe ande sa e charoine katar e phuv, ka cherav te murzin pe lende, te maren lendar espurnia, te sikon katar lengo bilachipe ta te aven proketime ande sa e thana kai me chudiem len, gia phenel le o Del. 10Ka cherav te marenpe lenchar e jarnienchar, te avel pe lende bok ta e bari muka, lligo ni ka aven zatrime pe phuv kai diem len ta i lenge paponen.
Currently Selected:
Jeremias 24: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
