Jeremias 18
18
E chik ta o lleno kai cherel piria
1O Alav e Devleko avilo kai o Jeremias ta phenda: 2Uste ta lla kai o lleno kai radil e chikaia, ta kote ka cherav te asune me alava. 3Ta llelem kai o cher katar o lleno kai radil e chikaia, ta vou radila po kolo. 4Ta e piri kai vou cherela murisaili ande leko va, ta cherda latar aver piri, ta avila leke te cherel la mai sukar.
5Ondaka o Del phenda mange gia: 6O Del phenel:
¡Ioi Israel! ¿Sar nasti ka cherav me tumenchar gia sar cherel gava lleno kai radil e chikaia? Isto gia sen tumen ande me va.#Is 64.8; Ro 9.20-21. 7Ande iek vreme sai dav pe forura ta pe charoine, te ikanav, te peravav ta te zatriv, 8a gola forura te irilape katar po bilachipe, gua bilachipe kai me phendem letar, i me ka iriu man katar e duk kai mangava te dav len, 9ta ande iek vreme ka dav orba e llenengi katar e charoina, te vasdiniaol o phagipe, ta te thodol e simicha ande phuv. 10A te cherda o bilachipe angla me akha, ta ni asunel mo avazi, ka iriu man katar o lachipe kai mangava te cherav leke.
11Goleke, de orba suakone murusea katar o Juda ta e llenenchar kai zivin ando Jerusalem, ta phen lenge:
Gia phenda o Del:
Me chinavav tumenge e duk ta misliu man so ka cherav tumenge, irintumen suako iek katar po bilachipe, ta lacharen tumaro drom ta e ezgode kai cheren. 12A von phende:
Ni ka thova sama, soke amen ka lla pala amare dela, ta suako iek amendar ka chera so phenel amenge amaro bilacho lio.
13Goleke o Del phenda gia:
Puchen akana
e phuvien, ¿Ko asunda iek orba sargo gaia?
But gado si so cherda e chei katar o Israel.
14¿A so, ni ka avel ios o iv katar o Libano
pe barra katar e umalia? ¿Ni ka aven ios
e paia sudre kai aven duratar katar aver phuvia?
15A mo foro bristarda man,
ta phabarde o taimano avere delenge,
ta eskombaia pe pe droma pe droma e purane,
ta ni phirel pe droma e lache,
16ta thovel pi phuv ande zalba,
ta te maren latar espurnia ostade,
kogo ka nakhel latar ka chudilpe
ta nasti ka pachan so dikhen.
17Sargo balav katar o norte ka rispiu len
angla lenge dusmanura, ka dav len e zea
ta ni ka dikhen mo mui ando llive kai ka jasaon.
E orba sar te zatrin e profeta
18Ta phende:
Aven te dikha so ka chera e Jeremiaseke, soke o zakono ka avel suako llive e popoke, ta e orba e bizaieke, ta o alav e profetake. Aven te dukhava le ande orba, ta na thova leke sama pe so phenel.
O Jeremias molilpe
19¡Ioi Devla! Dik pe mande, ta asun
e orbe katar gola kai marenpe manchar.
20¿Pochindol o bilachipe po lachipe,
te anaven mange iek limori?
de tut golli kai thodem man angla tute
te dav orba lachi pala lende,
te duriavav lendar chi joli.
21Goleke muk te meren bokhatar lenge minone,
cher te fuladon pala o meripe ta te achen
e diskinie bi ninonenchar ta phivlia,
te mundaren lenge rromen,
ta te mundaren e jarniea lenge ternen
kana ka llan te marenpe.
22Te asundol lengo roipe ande lenge chera,
kana ka ane pe lende e boñikonen,
soke anade iek limori te jasaivav,
ta thode iek solo te achadon me porrne.
23A tu Devla, pinllare sa lenge e orbe
kai von chinaven te mundaren man,
na prostisar lengi dos,
ta na kos lengo bilachipe angla tu,
daboida te peren, cher le gia lenchar
kana ka avel o vreme katar chi joliariko.
Currently Selected:
Jeremias 18: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
