Jueses 7
7
O Gedeon dobil e madianitonen
1O Gedeon kai akana ikharenale Jerubaal ta sa e llene kai sea lea, ustile thiarinako rano ta logle pasa o paiorro katar o Jarod. Ta o pero katar e madianitura saia ando norte telal katar o burdo More, ande bari umal.
2Ta o Del phenda e Gedeoneke: O foro kai si tuia si but te dav tut ande che va e madianitonen. Sai te avel kai ka mislin ta ka phenen:
Mo va braduisarda man. 3Goleke phen e foroke kai te si vareko kai daral, te irilpe chere.#Dt 20.8.
Gia o Gedeon zumada len ta lleletar bis ta dui milie murusa, ta achile des milie. 4A o Del phenda:
Si but. Inllar len te pien pai, kote me ka zumavav len ta ka phenav chuke ko ka llal ta ko ni ka llal.
5Ondaka o Gedeon inllarda len te pien pai, ta o Del phenda leke:
Thou pe iek rig golen kai pien o pai pe vastenchar ta pien le sargo e llukela. Ta pe aver rig thov ogolen kai den changenchar te pien.
6Ta e llene kai pile o pai pe vastenchar ta pile sargo pien e llukela sea trin stotine. Sa ogola die changenchar te pien. 7Ondaka o Del phenda e Gedeoneke:
Gale trine stotinenchar murusa me ka bradui tumen ta ka dobiv e madianitonen. Sa ogola sai te llantar chere.
8O Gedeon phenda te irinpe chere sa ogola. A oma te llantar lia lendar lenge bardakuria ta lenge tuturuge cherde katar sing e busneki. Samo achilo e trine stotinenchar murusa esvirime. Ta sea logle upral pe madianitura kai sea ande bari umal.
9Gaia riat o Del phenda e Gedeoneke: Uste te de pe madianitonen, soke me ka dav len ande che va. 10A te si kai dara te de pe len, fulie oma ando pero che slugaia o Pura, 11ta asun so phenen. Ondaka ka ave tromano te de pe lende.
Ta o Gedeon fulisto pe slugaia o Pura llik kai o pero katar e madianitura. 12E madianitura, e amalekitura ta e llene katar o oriente sea ande bari umal, gachin sargo e langoste. Sea len gachin deve sargo e chisai e moraki. 13Kana avilo o Gedeon, saia iek lleno kai phenela pe amaleke iek suno kai dikhlaia ta phenela leke gia:
Dikhlem kai iek marrno sebadako perela ando amaro pero ta dia pe iek chara ta perada la.
14Ta leko amal phenda leke:
Gaia si e jarni katar o Gedeon chavo katar o Joas israelita. O Del ka cherel te dobil o Gedeon e madianitonen ta sa lengo pero.
15Kana o Gedeon asunda katar o suno ta so sikavela, o Gedeon blagosisarda e Devle. Mapalal irisailo ando pero katar e israelitura ta phenda:
¡Aide, soke o Del ka del amen o pero katar e madianitura!
16Ta fulada e trin stotine murusen ande trin kotora, ta dia suakoneke lendar tuturuge ande lenge va ta bardakuria kai ande len sea kasta kai phabona. 17Ta phenda lenge:
Kana me ka avav pe ogoia rig katar o pero e dusmanonengo dikhen pe ma ta cheren so ka cherav. 18Kana me ta e llene kai llan manchar ka basala e tuturuga, basalen i tumen e tuturuge truial o pero ta urkisaren:
¡Pala o Del ta pala o Gedeon!
19Ta o Gedeon ta leke stotina murusa avile pe ogoia rig katar o pero kana thovena aver boñikonen te arakhen ande desudui e rachako. Ta basalde e tuturuge ta phagle e bardakuria kai inllarena. 20Ondaka e trin kotora basalde e tuturuge ta phagle e bardakuria. Po va stingo inllarena e kasta kai phabona ta e tuturuge po va chachi, ta urkina:
¡Maripe! ¡Pala o Del ta pala o Gedeon! 21Ta suako lleno achilo pe po than truial katar o pero. Ondaka sa e boñikura thodape te prasten daratar ta nasena, 22ta e trin stotine israelitura ni mukena te basalen ande tuturuge, ta o Del cherda te marenpe e madianitura iek averea. Ta nasle llik o Bet Sita po drom katar o Serera pasa o Abel Mejola ando Tabat. 23Ta ikharde e llenen katar o Israel, katar o Neftali, katar o Aser ta katar sa o Manases te roden e madianitonen.
24O Gedeon bichalda llenen po burdo katar o Efrain te ikharen e murusen te avena po maripe e madianitonenchar ta te len e thana kai nakhen o pai ande Bet Bara ta ando Jordan oma te avena ogola. Ta gia cherde e llene katar o Efrain. 25Ta phangle duie gazden katar e madianitura, e Orebe ta e Zeebe. Ta mundarde e Orebe pe pechina katar Oreb, ta e Zeebe mundarde po than kai ustaven e drak ta kai ikharen le Zeeb sargo leko anav. Mapalal kana rodie e madianitonen inllarde e Gedeoneke e sore katar o Oreb ta o Zeeb pe ogoia rig katar o Jordan.
Currently Selected:
Jueses 7: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
