Jueses 5
5
E llili katar e Debora ta o Barak
1Gua llive e Debora ta o Barak chavo katar o Abinoam llilabie gia:
2Blagosin e Devle,
soke ando Israel si llene
kai si lacharde te marenpe,
soke ando foro si murusa
kai kanden te llan po maripe.
3¡Asunen man tumen e charura!
¡Asunen man tumen e gazda!
¡Me ka llilabav e Devleke!
¡ka llilabav e Devleke e Israeleko!
4Kana tu Devla likistan katar o Seir,
kana llelan ande vostanura katar o Edom,
e phuv dermosaili ta katar e oblakura perade po bursin.
5Angla tu Devla,#Ek 19.18; Sal 68.7-8.
angla tu Devla e Israeleko
e burdura dermosaile, o Sinai dermosailo.
6Ande llivesa katar o Samgar chavo katar o Anat,#Jue 3.31.
ande llivesa katar o Jael, achile chudine po drom,
ta gola kai llana pe lache droma,
lleletar pe droma darane.
7E forichura katar o Israel
achile mukle.
Ondaka saia kana me ustilem,
¡me, Debora, iek dei e Israeleki!
8Kana esvirina neve delen
o maripe saia po udar e foroko,
a ni dikhola ni iek eskudo ta ni iek jarni
maskar saranda milie israelitura.
9¡Me dav mo lio
pala e mai preche gazda katar o Israel,
pala e llene katar mo foro
kai kandie te llan po maripe!
¡Blagosin e Devle!
10Phenen le tumen kai llan pe magarche parrne,
tumen kai gazdarin ande krisa,
ta tumen kai llan ande aver phuvia,
11¡incha maskar e bunaria
kana asundon e kasta po pai
Phenen kai o Del dobisarda.
Dobisarde e forichura katar o Israel.
12¡Uste Debora, uste,
uste ta llilabe iek llili.
Uste Barak chavo katar o Abinoam,
ta inllar che phanglen!
13Ondaka fuliste e israelitura
te marenpe e llenenchar zurale,
pala ma fuliste e boñikura katar o Del
te marenpe e murusenchar marimake
14Nesave llene katar o Efrain avile ande bari umal
ta palal lendar e boñikura katar o Benjamin.
Katar o Makir fuliste e gazda,
ta katar o Zabulon gola kai gazdarina.
15Ta i avile e Deboraia
e gazda katar o Isakar
o Isakar pomozisarda e Barake,
soke llelo palal letar ande bari umal.
Te si kai maskar e boñikura katar o Ruben
si murusa tromane,
16¿soke achile maskar e stoke,
te asunen sar e chobanura ikharen pe bakren?
¡Maskar e boñikura katar o Ruben
si murusa darane!
17O Galaad achilo ando pero
pe ogoia rig katar o Jordan.
O Dan achilo maskar e llimie,
ta o Aser pasa e mora
ta ni miskosailo katar e forura kai si pasa e mora,
18a ande vostanura kai si upre,
o Zabulon ta o Neftali thode lengo zivoto ande bari dar.
19Ondaka avile e charura ando Taanak
pasa e paia katar o Megido
e charura kananeura avile te marenpe
ta ni lie rup ta barvalipe.
20Katar o miloso e cheraia
mardepe e Sisarea,
21o paiorro, o phuro paiorro,
o paiorro katar o Kison inllarda len sa.
¡Tu ka rrani e kor katar e zurale!
22¡Asundol e challia katar e gra!
¡Prasten, prasten e gra katar e tromane!
23Ta o suecho e Devleko phenel:
¡Te perel iek bari prokestia
po Meroz ta leke llene!
soke ni llele sargo e tromane,
te pomozin e Devle.
24¡Te avel blagosime e Devletar e Jael,
rromi katar o Jeber kenita!
¡Blagosime te avel maskar e diskinie katar o pero!
25O Sisara mangla pai, ta e Jael dia le thud.
¡Thulo thud dia le ando iek taso sukar!
26Ta lia o chilo pe vastea stingo
ta lia o chokano pe vastea chachi
ta dia ando soro katar o Sisara
pharrada ta ranisarda leko chikat.
27O Sisara dermolape pe porrne katar e Jael,
dukhatar pelo pe phuv,
ta kote kai pelo, kote achilo mulo.
28E dei katar o Sisara brigime
dikhela katar e penllerava ta phenela:
¿Soke ni avel leko bordon?
¿Soke ni avel oma leko bordon marimako?
29Ta nesave bizai diskinie phenena lake
ta i von phenena peke:
30Sai te avel kai fulavel
so lie ando maripe.
Iek slugicha o dui slugiche suakone boñikoke,
e Sisarake chitura sukar,
iek chiti, dui chitura,
kai suven len but sukar
e gazdenge kai dobisarde.
31¡Gia te meren che dusmanura Devla,
a gola kai volin tut
te aven sargo o kham
kana kletosarel zurale!
Mapalal katar gale ezgode saia pas ande phuv saranda bursa.
Currently Selected:
Jueses 5: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.