Isaias 59
59
E dos ta e duk katar o Israel
1O va e Devleko ni chiknilo te braduil,
ta ni phanglile leke kan te na asunel,
2a tumaro bilachipe cherda fuladipe
maskar tumende ta tumaro Del,
ta tumaro dos cherda te gurudol
tumendar tumaro Del te na asunel tumen.
3Soke tumare va si melale ando rat
ta tumare naia makhle pala o bilachipe,
tumare us phenen o bilachipe,
tumaro mui del orbe bilache.
4Inai ko te mangel o chachipe,
ta inai ko te krisil pala o chachipe,
uzdinpe ande so ni mol niso
ta den orba kai ni mol len niso,
mislinpe ando bilachipe,
ta cheren o bilachipe.
5Arakhen arrne sapenge,
ta khuven o chiti katar e karpelia,
gua kai ka jal katar lenge arrne
ka merel, a te chichidena
len ka likel lendar sapa.
6Lengo chiti ni ka blazil te furiadon lea
ta ni ka aven ucharde katar so cheren,
soke von cheren o bilachipe
ta ande lenge va si o silnope.
7Lenge porrne prasten karing o bilachipe,
sigaren te chordol o rat
katar gola kai inai dosale,
mislinpe samo ando bilachipe,
pe lengo drom si samo zatrania ta duk.#Pr 1.16.
8Ni pinllarde o drom katar e pas,
ta inai chachipe ande lenge droma,
lenge droma si bange,
kogo phirela pe lende, ni ka pinllarel e pas.#Ro 3.15-17.
9Goleke durilo amendar o chachipe,
ni reslo amende so si orta,
aduricharaia o villelo, a avilo o truniariko,
mangaia te kletosarel a maladam e riat.
10Istaraia o zido sargo korre,
ta llaia pipindo sargo kana ni sea amen akha,
peraia ollivesea sargo kana saia orachaia
sama ando truniariko sargo mule.
11Saurre auchia sargo melledura,
ta asundivaia dukhade sargo gulubura,
aduricharaia o chachipe ta ni saia,
aduricharaia o braduipe ta llelotar amendar.
12Soke barilo amaro bilachipe angla tute
ta amaro bilachipe del orba pe amende,
soke amenchar si amaro bilachipe,
ta pinllara amari dos:
13Ni kanda ta kojava katar o Del,
ta durilam katar amaro Del,
ikandam bune ta kojaipe,
cherdam te vazdiniaon orbe
ta phendam amare liea o kojaipe.
14Llelitar e kris, achilo dur o chachipe,
soke o chachipe pelotar pe plasa,
ta so si orta nasti avilo.
15Phangle o chachipe,
ta gole kai durilo katar o kojaipe phangle le,
ta dikhla le o Del, ta ni avila leke drago,
soke mulo o chachipe.
16Ta rodia vareka te achavel gaia ezgoda
ta chudisailo soke ni saia niko,
ta leko va braduisarda le,
ta isto leko chachipe dia le zor.#Is 63.5.
17Soke furiadilo ando chachipe
sargo te thovel pe pete iek kora,
ta iek challi braduimaki ande leko soro,
furiadilo ande patave marimake te ikanel pi duk
ta e joli ucharda le sargo iek gertachi,#Ef 6.17; 1 Ts 5.8.
18te iril silnomaia pe dusmanonenge,
ta te pochinel golenge kai marenpe lea,
ka pochinel golenge kai zivin pasa e mora.
19Ta ka daran katar o Del katar perel o kham,
a katar likel o kham ka avel leki zor,
soke o dusmano ka avel sargo iek len,
a o duo e Devleko ka vazdiniaol pe lete.
20Ta ka avel o Braduimari kai o Sion,
kai e llene katar o Jakob
kai irisaile katar o bilachipe,
gia phenel o Del.#Ro 11.26.
21Gava ka avel mo alav kai ka avel man lenchar,
o Del phenda gia:
Mo duo kai si pe tute,
ta me alava kai thodem te de orba,
ka phene len tu, ta che chave,
ta ka phenen len unukura katar che chave,
gia phenda o Del kai ka avelpe
katar angle ta ostade.
Currently Selected:
Isaias 59: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
