Isaias 45
45
O Del del iek rado e Siro
1Gia phenel o Del
goleke kai esvirisardem, e Siroke,
kai me istardem le katar o va o chacho,
te thovav angla le e phuvien
ta te nagarav e charonenge zea,
te putarav angla le e udara,
ta e udara ni ka phanglion:
2Me ka llav angla tu
ta ka ortou e thana bange,
ka phagav e udara tuchne,
ta ka drobou e alkave sastrune,
3ta ka dav tut o barvalipe kai si gurudino
ta so si but gurudino, te sai llane
kai me sem o Gazda, o Del katar o Israel,
kai dav tut mui pe cho anav.
4Pala o volipe katar mo sluga o Jakob
ta katar o Israel mo esvirime,
ikhardem tut pe cho anav
thodem chuke aver anav
a tu ni pinllardan man.
5Me sem o Del ta inai aver,
inai aver Del avri mandar.
Me ka dav tut e patave te mare tut lenchar
makar tu ni pinllarea man,
6te sai llangliolpe katar likel o kham
llik kai perel o kham, kai inai aver neko me,
me o Del, ta inai aver neko me,
7me cherav o villelo ta o truniariko,
kai cherav e pas ta e nuzda
me o Del, cherav sa gala ezgode.
E Devle si le sa e zor pe sa e ezgode
8miloso ta oblakura, peraven ta thavden
o chachipe, te putaol e phuv
ta te del braduipe ta chachipe,
te liken e dui ande iek than.
Me o Del cherde le.
9¡Tesko goleke kai marelpe golea kai cherda le!
¡E piri e pirienchar katar e phuv!
¿Sai phenel e chik goleke kai radil laia:
So chere?, ¿O phenel chuke:
So cherdan inai le va?#Ro 9.20.
10¡Tesko goleke kai phenel pe dadeke:
¿Soke cherdan man? O pe dake:
¿Soke biandan man?!
11Gia phenel o Del, o Santo katar o Israel,
gua kai cherda le:
Puch man katar so si te avelpe,
puchen man katar me chave
ta katar so cherdem me vastenchar.
12Me cherdem e phuv,
ta cherdem te zivil e manuse upral pe late.
Me vastenchar buliardem o miloso
ta phendem so te cheren sa leke cheraia.
13Me llingadem le ando chachipe,
ta ka ortou sa leke droma,
vou ka vazdel mo foro, ta ka mukliarel
me llenen kai si phangle,
ni lovenchar ni ezgodenchar,
gia phenel o Del kai si le sa e zor.
14Gia phenel o Del:
O rado katar o Ejipto,
e ezgode katar e Etiopia, ta katar e Sabeura
kai si bare llene, ka llan tute
ta ka cherdon chire, ka llan pala tute,
lenge porrne ka aven phangle e lanchonenchar,
ka den changenchar angla tute
ta ka molinpe chuke ta ka phenen:
Chachimaia o Del si ande tute
ta inai aver avri e Devletar.
15Chachimaia tu san o Del kai uchare tut,
o Del katar o Israel, kai bradui.
16Ni ka llanen so ka cheren lallaimatar
sa gola llene, ka aven thode ando lallao
sa gola kai cheren slike.#Is 42.17.
17O Israel ka avel braduime ando Del
ande iek braduime ostade,
ni ka nakhen lallao ta ni ka aven gazdarime
sa e bursenchar.
18Soke gia phenda le o Del,
kai cherda o miloso, vou si o Del,
kai cherda e phuv, cherda la ta lacharda la,
ni cherda la pala niso,
cherda la te zivin pe late:
Me sem o Del ta inai aver.
19Ni diem orba po chorial,
pe iak than truniariko pe phuv
ni phendem e porodoke katar o Jakob:
Tumen roden man pala niso. Me sem o Del
kai dav orba o chachipe,
kai phenav so si orta.
O Del maladol avere delenchar
20Chidiniaon ta aven, chiden tumen
sa gola kai zivisarden maskar e phuvia.
Inai len bizaipe gola kai vazden iek del kastuno,
gola kai molinpe iekhe deleke kai ni braduil.
21Den lenge orba ta cheren len te aven pase,
ta te dikhen so ka cheren saurre,
¿ko cherda te asundol gaia ezgoda mai anglal,
ta phenda le sar kotar, ni sem me o Del?
Ta samo me sem o Del,
iek Del chacho kai braduil,
inai aver avri mandar.
22Dikhen pe mande te aven braduime,
kaigo si phuv, soke me sem o Del, ta inai ios.
23Jalem sovel isto pe mande,
gaia orba si chachuni ta niko ni na phagel la:
Kai angla mande ka sa ka den changenchar
ta angla mande saurre ka blagosin man.#Ro 14.11; Flp 2.10-11.
24Ta ka phenen gia mandar:
Chachimaia ando Del si o chachipe ta e zor,
angla le ka aven, ta sa gola kai jolaile pe lete
ka achen ando lallao.
25Ando Del ka aven llinde chache
ta ka veselinpe sa o porodo katar o Israel.
Currently Selected:
Isaias 45: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
