Isaias 25
25
Llili kai blagosil e Devle
1Gazda, tu san mo Del,
me blagosiv tut ta blagosiv cho anav,
soke cherdan glamne ezgode,
che orbe purane kai sikaven si chache ta zurale.
2Soke cherdan te cherdol o foro iek umpa,
o foro zidome phaglan le,
o foro kai saia drago e llenenge katar aver phuvia,
te na avel ios foro, ta te na vazden le nikada ios.
3Goleke ka blagosil tut o foro zuralo,
ka daral tutar o foro kai si e llene zurale.
4Soke sana o zido katar o chorro,
zido katar o gua kai inai le niso ta si dukhado,
o than kai gurudiva katar e bari balav,
sana e senka po tatipe, soke e joli katar e silne
si sargo iek bari balav kai chalavel po zido.
5Sargo o tatipe ando sukipe,
gia ka achen ando lallao e llene katar aver phuv,
ta sargo o tatipe telal katar iek oblako
ka chere te na asundol o llilabipe katar e silne.
6Ta o Del kai si le sa e zor
ka thovel iek sinia pe gava burdo sa e phuvienge,
ka del len o mai lacho jape ta e mai lachi mol.
7Ta pe gava burdo ka pharravel o chiti
kai si ucharde sa e forura,
ta o chiti kai ulil sa e phuvien.
8O meripe ka avel zatrime ostade,
ta o Del o Gazda ka kosel
suako ausin kai si po mui,
ta ka lel katar sa e phuv o lallao katar leko foro,
soke o Del phenda le.#1 Kor 15.54; Apo 7.17; 21.4.
9Ta ande gua llive ka phendol gia:
Gava si amaro Del, adurichardam le
ta ka braduil amen,
gava si o Del kai aduricharaia,
ka dragostiamen ta ka veseliamen
ande leko braduipe.
10Soke e Devleko va ka avel pe gava burdo,
a o Moab ka avel ustado isto pe leko than,
gia sar si ustadi e char suki po llubri.#Is 15.1—16.14; Jer 48.1-47; Ez 25.8-11; Am 2.1-3; Sof 2.8-11.
11Ta ka inzarel po va po maskaral letar,
gia sar inzarel po va gua kai plivil,
ta ka peravel leko baripe ta o rado leke vastengo.
12Ta ka peravel leke bare zidura,
ka peravel le pe phuv ta ka achel ando lallao.
Currently Selected:
Isaias 25: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
