Isaias 18
18
E poroka pe Etiopia
1¡Tesko e foroke kai cherel senka pe pakhenchar,
kai si pala e lena katar e Etiopia,
2kai bichalen llenen te nakhen e mora
ta ande llimie cherde katar e patra llan upral po pai!
llan zurale, inllaren e viasta,
kai si e llene bare ta kai klichil lengo mui,
iek o foro kai daraile ta daran letar sa o vreme,
llene bare ta kai gazdarin
ta kai ande lengo foro nakhen paia,
3A tumen, saurre kai zivin pe phuv,
kana ka dikhen pe burdura
iek chiti phanglo pe iek kas, thoven sama
ta kana ka basel e tuturuga asunen.
4Soke o Del phenda mange gia:
ka besav mange esmiro
ta ka dikhav pe tumende katar mo cher,
sargo o kham mapalal katar o bursin,
sargo oblako kai pechalpeke kana chiden o lliu.
5Soke mai anglal te chindol so del e phuv,
kana e septelie ka aven lache,
ta kana ka nakhen e lulunlla
ta ka reslion e septelie,
ondaka e churiaia ka chinel e krangicura
ta ka chinel a ta ka ikanel krangura.
6Ta ka aven mukle saurre
te jan len e chiriklia katar e burdura
ta e zivirinie kai si pe phuv,
pe lende ka nakhen o milai e chiriklia
ta sa e zivirinie ka nakhen pe lende viend.
7Ande gua vreme ka anen
kai o Del kai si le sa e zor, so si dino
katar e llene bare ta kai klichil lengo mui,
iek o foro kai daraile ta daran letar sa o vreme,
llene bare ta kai gazdarin
ta kai ande lengo foro nakhen paia,
ka aven kai o than kai si o anav
katar o Del kai si le sa e zor
kai o burdo katar o Sion.#Sof 2.12.
Currently Selected:
Isaias 18: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
