Oseas 7
7
1Kana mangava te sastarav me foro,
dikhola o bilachipe katar o Efrain ta e Samaria.
Soke kojavena
sargo chorane dena ande chera,
ta pe droma perena pe llenen.
2Ni acharen
kai dav man golli katar sa lengo bilachipe.
Akana truisarde len isto gola ezgode bilache
kai ostade si angla ma.
O bilachipe katar e gazda
3Po bilachipe ta po kojaipe
mo foro veselil e charo ta e gazden.
4Sa kojaven,
von si sargo e furnava, kai kana phabaren la
mukel te phurdel po iag
kana e phalia si phukhili.
5Ando llive kana thode e korona po charo,
e gazda nasuarde le e moliaia.
¡Inzarda po va e llenenge kai marena espurnia!
6Thode lengo lio
sargo kana phabarena iek furnava.
Sorro riat sovel o lleno kai phabarel la,
a thiarinako rano e furnava ni mukla te avel phabardi.
7Sa von si sargo e iag ande furnava,
kai phabarda e krisarien.
Sa e charura peletar,
ni iek lendar ikharel man.
O foro kai durisailo katar leko Del
8O Efrain amisailo avere foronenchar.
O Efrain si sargo iek marrno
chirado samo pe iek rig.
9Llene katar aver phuvia jale leki zor,
ta vou ni llanglale.
Leke bal parrnile
ta ni llanglale.
10O istardipe katar o Israel ka del orba cheres le,
ta ni irisaile karing o Del,
ta ni rodie le.
11O Efrain saia sargo gulubo
kai inai le bizaipe,
ka mangel katar o Ejipto te pomozil le,
ta i katar e Asiria ka mangel te pomozil le.
12Kana ka llan incha
ka chudav pe lende murni mreza,
ka cherav te peren ande la sargo e chiriklia,
ka pativ len pala lengo bilachipe.
13¡Tesko lenge kai mukle man!
e zatrania ka perel pe lende,
soke ni kandie man.
Me braduisardem len
a von kojade man.
14Makar urkina kana sea ande postelia,
ni ikharde man pe oliea.
Pala o lliu ta e mol,
durisaile mandar.
15Makar sikadem len
ta cherdem zurale lenge va,
von mislisaile o bilachipe mandar.
16Irisaile, a na e Devleke,
sea sargo arko bango,
Pala o istardipe katar lenge chibia,
mundarde e gazden e jarnienchar,
ta ando Ejipto
ka maren espurnia lendar.
Currently Selected:
Oseas 7: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
