Ebreos 9
9
E kurbanura purane
1E purve alava phenena sar saia te blagosin e Devle ande leki chara kai si pe phuv. 2Soke goia chara kai vazdinaili saia la lako purvo than kai ikhardol o than santisimo, kote saia o kandelabro ta o stali kai thovena e marrne kai sea chinade e Devleke.#Ek 25.31-40; Ek 26.1-30. 3Palal pala gua duito chiti saia o than kai ikhardola than santisimo.#Ek 26.31-33. 4Kote saia o altar sunakuno kai phabarena o taimano ta o bauli katar e alava kai saia mardo ando sunakai. Ta andre ando bauli saia iek bralli sunakuni kai andre saia o mana,#9.4 O mana saia sargo marrno kai perela katar o miloso suako llive ta o souto llive perela po dui droma soke ando llive sabado ni perela. ta ando bauli saia i e rovli e Aaronoki kai dia e lulunlla, ta e dui kotora barrustune katar o zakono.#Ek 16.33; 25.10-16; 30.1-6; Nm 17.8-10; Dt 10.3-5. 5Upral po bauli cherdea dui suechura kai pe phakhenchar ucharena o kapako katar o bauli. A akana ni trubul te da orba katar suako ezgoda kai saia kote.#Ek 25.18-22.
6Gia sea thode sa gola ezgode ta e popura dena suako drom ando purvo than e charako te cheren pi buchi ta te blagosin.#Nm 18.2-6. 7A po duito than dela samo o mai baro popo, ta samo iek drom ando burs. Ta kana dela, saia te inllarel o rat katar e kurbanura ta te del le cheres pete ta cheres o bilachipe kai cherela o foro ta kai ni acharena le.#Lv 16.2-34. 8Galea o Santo Duo cherel amen te llana kai kana saia e chara e Devleki o drom kai inllarel kai o than Santisimo ni saia putardo varekake. 9Sa gala ezgode cherdile te sai sikaven amen so si mai baro akana, soke so si dino ta e kurbanura kai den e Devleke nasti cheren e manusen te acharenpe bi dosako samo soke cheren gua blagosipe.
O chachuno kurbano
10Gala ezgode si samo katar o jape ta o pipe ta nesave zakonura e jaladimake, a gala ezgode nasti pharruven amaro zivoto. Gala alava si thodine samo lligo ni ka avel o vreme kai o Del ka pharruvel len.
O nevo kurbano
11A o Kristo avilo ta akana vou si o mai baro popo, ta fala leke si amen sa gala ezgode. E chara e Devleki kai vou cherel pi buchi popoki, si mai lachi ta mai orta ta inai cherdi e manusendar, goleke goia chara e Devleki inai gale phuviaki. 12O Kristo dia ande chara e Devleki, na te sikavel o rat katar e busne ta katar e guruva, vou nakhlo isto pire ratea iek drom ta lia amenge o braduipe katar o bilachipe ostade. 13Istina si kai o rat katar e guruva ta katar e busnia ta o prajo kai achel katar e guruvmi kai phabardol po altar, lelpe ta thodol pe llene kai si pokalime, ta achen sante ta jalaven len avrial.#Lv 16.15-16; Nm 19.9,17-19. 14A te si gaia ezgoda gia, ¡Pe gachin mai but ka avel le zor o rat e Kristoko! Soke katar o Duo kai zivil ostade, o Kristo dia isto vou pe kurbano e Devleke bi dosako, ta leko rat jalavel amen ta Del amen pachape kai sam prostime te sai radi e Devleke kai si llundo.
O nevo alav
15Goleke o Jesukristo cherel te da ande iek neve alava e Devlea. Soke o Jesukristo mulo te sai o Del prostil o bilachipe kai cherde e manusa kana sea pe purve alava, ta vou cherda golen kai o Del ikharda te len o barvalipe ostade soke o Del dialen po alav. 16Te kanden e alava kai iek lleno mukla, morabi mai anglal te llangliolpe kai gua lleno mulo. 17Soke nasti kanden e alava kai mukel iek lleno kana gua lleno zivil, samo sai kanden len kana gua lleno si mulo. 18Goleke i e purve alava sea ratea. 19O Moises phenda sa e alava e zakonoke sa e foroke, mapalal lia e bal e bakreke makhle ando lolipe ta iek krango katar o isopo, ta makhlalen ando rat e guruvengo ta e busnengo amime e paiea, ta makhla o lil katar o zakono ta i sa e foro. 20Ondaka phenda lenge: Gava si o rat kai chacharel e alava kai o Del dia tumen.#Ek 24.6-8; Zak 9.11; Mt 26.28. 21Ta o Moises makhla e ratea i e chara e Devleki ta sa e ezgode kai si e blagosimake.#Lv 8.15. 22Soke o zakono phenel kai preko sa e ezgode morabi te aven jalade e ratea, ta inai prostipe katar o bilachipe te na chordola o rat.#Lv 17.11. 23Goleke trubul gola kurbanura te sai jalaven gola ezgode soke cherdelen prema e ezgode kai si ando miloso; ta e ezgode kai si ando miloso trubul len mai lache kurbanura neko gola.
24Soke o Kristo ni dia ande goia chara e Devleki cherdi e manusendar, kai samo dikhola sargo e chachuni chara, vou dia isto ando miloso, ta kote sikadol angla o Del te sai molilpe cheres amende. 25Ta ni dia te delpe kurbano but droma, gia sar cherel le o popo suako burs kai del ande chara e Devleki te del iek rat kai inai leko. 26Te cherdaia isto gia o Kristo, vou saia te merel but droma sar kana o Del cherda e phuv. A o chachipe si kai akana kai si o son katar o vreme, o Kristo avilo iek drom ta ostade ta diape isto vou pe kurbano te sai lel o bilachipe. 27Isto gia sar sa e manusa morabi te meren iek drom ta mapalal ka avel e kris, 28isto gia o Kristo diape iek drom te lel o bilachipe katar but llene. Ta mapalal vou ka avel pale, ta ni ka avel le ni iek posla e bilachimaia, vou ka avel te braduil golen kai aduricharen le.#Is 53.12.
Currently Selected:
Ebreos 9: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
