Ebreos 5
5
1Suako mai baro popo si esvirime maskar e manusa ta thodo te pomozil e manusen pe so si dino e Devleke ta pe kurbanura te sai o Del prostil len. 2Ta sar i vou si kovlo soke si manus, sai avel leke zao katar e llene kai ni acharen ta i katar gola kai jasaile katar o drom; 3ta cheres isto leko kovlipe i vou trubul te del kurbano katar po bilachipe ta i katar o bilachipe e foroko.#Lv 9.7. 4Ta niko nasti avel o mai baro popo samo soke vou mangel, soke o Del si kai ikharel le ta del le goia dragostia gia sar cherda le e Aaronoia.#Ek 28.1. 5Isto gia o Kristo ni thoda vou pe te avel o mai baro popo, o Del si kai dia le goia dragostia, soke o Del phendaia leke:#Sal 2.7.
Tu san mo chaurro;
allive me sem cho Dad.
6Ta i pe aver rig ando Pisipe phenel gia:#Sal 110.4.
Tu sam popo ostade,
isto sar saia o Melkisedek.
7Kana o Kristo zivila kate pe phuv, rovda ta molisailo zurale ta mangla e Devletar te braduil le katar o meripe, a o Del asunda le soke vou saia chacho ta kandela le.#Mt 26.36-46; Mk 14.32-42; Lk 22.39-46. 8A vou saia o chavo e Devleko ta ande duk ta e patnia sikilo so si te kandel e Devle,#Mt 26.39; Jn 10.18; Flp 2.8. 9ta gia kana o Kristo cherda sa so o Del mangla letar, cherdilo o Braduimari kai del zivoto ostade sa golen kai kanden le. 10Ta o Del phenda kai vou si o mai baro popo gia sar saia o Melkisedek.
Te sikiva te bariva ando pachape
11Si amen but te phena katar gaia ezgoda ta amenge si trudno te sikavala soke tumen ni acharen oma gala orbe. 12Dumut cherel kai tumen pachaien ande lachi viasta ta pala o vreme kai nakhla tumen saia te aven kovacha, a pale morabi te sikaven tumen e mai palune ezgode katar o Del. Ta pale cherdilen gia kovle kai trubul tumen te pien thut sargo minone a na te jan jape zuralo. 13A gola kai pien thut si sargo minone kai ni llanen so si o lachipe ta o bilachipe.#1 Kor 3.2. 14A o jape zuralo si e barenge, golenge kai acharen so si o lachipe ta o bilachipe.
Currently Selected:
Ebreos 5: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
