Jageo 1
1
O Del phenel te vazden o cher e Devleko
1Ando duito burs katar o charo o Dario, ando purvo llive katar o souto chon, o Del dia orba katar o profeta o Jageo e Zorobabeleke chavo katar o Salatiel, gazda katar o Juda, ta e Josueke chavo katar o Josadak kai saia baro popo,#Esd 4.24—5.2; 6.14. 2ta o Del kai si le sa e zor phenda lenge gia:
Gava foro phenel kai ni avilo o vreme te vazden pale o cher e Devleko. 3Ondaka o Del phenda e Jageoke:#Esd 4.1-24. 4¿Tumenge si o vreme te zivin ande chera glamne, a mo cher si sa peradino? 5O Del kai si le sa e zor phenel tumenge gia:
Mislin tumen ande so cheren. 6Thoven but simiche ta ni chiden but septelie. Jan ta ni chalion, pien ta achen trusale. Thoven pe tumende patave ta ni taton. O lleno kai radil thovel so pochinen leke ande iek ambava pharradi. 7O Del kai si le sa e zor phenel tumenge gia:
Mislin tumen ande so cheren. 8Llan karing o burdo te anen kasta te sai vazden pale o cher, ta ka thovav ande lete mi volia, ta ka blagosin man, phenel o Del. 9Tumen roden but ta malaven cherrichai. Ta so guruven ando cher, me ka phurdav minoni balav ta ka rispiuv le. ¿Soke? Soke mo cher si peradino, a tumen samo brigin tumen pala tumare chera. 10Goleke ni delpeke ta e phuv ni del e septelie.#Lv 26.18-20. 11Me cherdem te na delpeke pe vostanura, pe burdura, po lliu, pe mol, po zeitino, pe sa e septelie kai del e phuv, pe murusa, pe zivirinie, ta pe sa o rado kai cheren le e vastenchar.
12Ta o Zorobabel chavo katar o Salatiel, o Josue chavo katar o baro popo o Josadak, ta sa o foro asunde e alava e Devleke kai o Jageo phenda lenge, ta sa daraile e Devletar. 13Ondaka o Jageo, bichaldo e Devletar, dia orba e foroke ando anav e Devleko, ta phenda gia:
Me sem tumenchar, phenel o Del.
14Ta o Del cherda te llungadol o duo katar o Zorobabel, ta katar o Josue chavo katar o baro popo o Josadak, ta katar sa o foro, ta avile te radin ando cher e Devleko kai si le sa e zor. 15Ando bis ta starto llive katar o souto chon katar o duito burs sar kana thodape te charoil o charo o Dario.#Esd 5.2.
Currently Selected:
Jageo 1: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
Jageo 1
1
O Del phenel te vazden o cher e Devleko
1Ando duito burs katar o charo o Dario, ando purvo llive katar o souto chon, o Del dia orba katar o profeta o Jageo e Zorobabeleke chavo katar o Salatiel, gazda katar o Juda, ta e Josueke chavo katar o Josadak kai saia baro popo,#Esd 4.24—5.2; 6.14. 2ta o Del kai si le sa e zor phenda lenge gia:
Gava foro phenel kai ni avilo o vreme te vazden pale o cher e Devleko. 3Ondaka o Del phenda e Jageoke:#Esd 4.1-24. 4¿Tumenge si o vreme te zivin ande chera glamne, a mo cher si sa peradino? 5O Del kai si le sa e zor phenel tumenge gia:
Mislin tumen ande so cheren. 6Thoven but simiche ta ni chiden but septelie. Jan ta ni chalion, pien ta achen trusale. Thoven pe tumende patave ta ni taton. O lleno kai radil thovel so pochinen leke ande iek ambava pharradi. 7O Del kai si le sa e zor phenel tumenge gia:
Mislin tumen ande so cheren. 8Llan karing o burdo te anen kasta te sai vazden pale o cher, ta ka thovav ande lete mi volia, ta ka blagosin man, phenel o Del. 9Tumen roden but ta malaven cherrichai. Ta so guruven ando cher, me ka phurdav minoni balav ta ka rispiuv le. ¿Soke? Soke mo cher si peradino, a tumen samo brigin tumen pala tumare chera. 10Goleke ni delpeke ta e phuv ni del e septelie.#Lv 26.18-20. 11Me cherdem te na delpeke pe vostanura, pe burdura, po lliu, pe mol, po zeitino, pe sa e septelie kai del e phuv, pe murusa, pe zivirinie, ta pe sa o rado kai cheren le e vastenchar.
12Ta o Zorobabel chavo katar o Salatiel, o Josue chavo katar o baro popo o Josadak, ta sa o foro asunde e alava e Devleke kai o Jageo phenda lenge, ta sa daraile e Devletar. 13Ondaka o Jageo, bichaldo e Devletar, dia orba e foroke ando anav e Devleko, ta phenda gia:
Me sem tumenchar, phenel o Del.
14Ta o Del cherda te llungadol o duo katar o Zorobabel, ta katar o Josue chavo katar o baro popo o Josadak, ta katar sa o foro, ta avile te radin ando cher e Devleko kai si le sa e zor. 15Ando bis ta starto llive katar o souto chon katar o duito burs sar kana thodape te charoil o charo o Dario.#Esd 5.2.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.