Jabakuk 1
1
1E poroka kai dikhla o profeta Jabakuk.
2¿Gachin ios Devla, ka urkiv te pomozi man,
ta ni ka asune man?
¿Gachin ios ka urkiv pala o silnope
ta ni ka bradui amen?#Job 21; Sal 13.1-2; 73.4-14; Jer 12.1-4; 14.9; Apo 6.10.
3¿Soke chere te dikhav
gachin duk ta bilachipe?
Angla ma si e zatrania ta o silnope,
pe suako rig marenpe.
4Ni cheren so phenel o zakono,
ni chinen e kris chachimaia,
o bilacho rodel te dukhavel e lache,
goleke bangaren o chachipe.
5Dikhen tumen e phuvia kai si truial,#Ech 13.41.
chudin tumen ta daran,
soke ande tumare llivesa ka cherav iek ezgoda
kai i te phenena la vareko tumenge, ni ka pachan la.
6Ka cherav te vazdiniaon pe tumende e kaldeura#2 R 24.2; Jer 6.22-23; 10.22.
kai si llene kai inai lenge zao
ta si sigarde te llan pe suako rig katar o sueto
te len averenge phuvia.
7Von si zurale ta daraven,
ta cheren samo so phenel lengo zakono.
8Lenge gra prasten mai zurale neko e leopardura,
ta si mai dive neko e ruva kai liken orachaia.
Si len but murusa kai llan pe gra
ka aven duratar te marenpe
sargo e agila kana perel pe iek zivirinia.
9Von zatrin sa so si po drom,
ta daraven kana aven,
ta inllaren e llenen phangle,
gachin sargo e chisai moraki.
10Maren espurnia katar e charura
ta katar e llene kai si glamne.
Asan katar e zidura
soke vazden phurda kastune
ta den pe lende.
11Mapalal nakhen sargo iek zurali balav,
ta phenen kai lengi zor avel katar lengo del.
12Devla, tu san sar kana saia mai anglal o vreme.
Na muk amen te mera.
Tu Devla san amari pechina,
na cher te krisil amen gava foro
ta te dukhavel amen.
Tu zuriadan e kaldeonen
te sai zatrin prema chi joli.
13Tu san but lacho ta nasti dikhe o bilachipe,
nasti dikhe kana cheren ezgode kai inai orta.
¿Soke dikhe gole llenen kai mundaren
ta ni phene niso kana o bilacho zatril
e llene kai si mai lacho neko vou?#Sal 5.4-6.
14¿Soke chere te aven e llene sargo mache
ta sargo sapa
kai inai ko te gazdaril pe lende?
15Ka ikanen amen saurren e udichaia
ta ka chiden amen ande pi mreza,
ta kana ka dikhen amen sa chidine
ande pi mreza, ka veselinpe,
ka pherdon veselia.
16Goleke den kurbanura
pe mrezenge ta pe udichenge,
ta phabaren lenge o taimano,
soke pala lende si len barvalipe ta but jape.
17¿Ta isto gia llan te mundaren llenen
bi te avel lenge zao lendar?
Currently Selected:
Jabakuk 1: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
