Jenesis 8
8
Achilo o baro bursin
1Ondaka o Del diape golli katar o Noe ta katar sa e zivirinie kai sea lea ande bari llimia. Ta cherda te phurdel iek balav pe phuv, ta e paia thode te fulien. 2Ta e paia kai sea telal katar e phuv phanglile, ta i e paia e milosoke ta o bursin achilo, 3ta pala e stotina ta pinda llive, e paia sa poloke thode te fulien. 4Ta o llive desefta katar o chon eftato, e bari llimia achili upral pe burdura katar o Ararat. 5Ta e paia sa mai fuliena. Ta o purvo llive katar o chon desengo, sai dikhona e thana kai si mai vazdine katar e burdura.
6Ta pala e saranda llive o Noe putarda e penllerava kai cherdaia katar e bari llimia, 7ta mukliarda iek kuervo, ta furiala pe iek rig ta pe aver rig lligo ni sukilo o pai katar e phuv. 8Mapalal o Noe mukliarda iek gulubo te sai llanel dal e phuv sukilia katar e paia. 9Ta o gulubo irisailo soke ni malada ni iek than kai te achel, soke e paia sea upral pe sa e phuv, goleke o Noe inzarda po va, lia e gulubo ta thoda le andre ande bari llimia.
10Ta o Noe aduricharda efta llive ios ta mukliarda pale e gulubo avri katar e bari llimia. 11Ta kana perela e riat o gulubo irisailo, ta anda ande po mui iek patrin maslinkaki. Kote llangla o Noe kai e paia fulistea, ta e phuv sukola katar e paia. 12Ta aduricharda efta llive ios ta mukliarda pale e gulubo, ta o gulubo ni irisailo ios kai o Noe.
13Ando purvo llive katar o purvo chon, e Noeeke saia sov stotine ta iek burs. Ondaka e bare paia kai ucharena e phuv sukile, ta o Noe ikanda upral so ucharela e bari llimia ta dikhla kai e phuv saia suki. 14Ta ando llive bis ta efta katar o duito chon, e phuv sukili katar e paia. 15Ondaka o Del phenda e Noeeke:
16Like katar e bari llimia che rromiaia, che chaurrenchar ta che borienchar. 17Ta ikan sa e zivirinie, e zivirinie kai inai dive, ta golen kai terrinpe pe phuv, te sai bariol lengo porodo ta gia te pheren e phuv.
18Ondaka likiste katar e bari llimia o Noe, leki rromi, leke chaurre ta leke boria. 19Ta i likiste sa e zivirinie, gola kai inai dive, gola kai si dive, gola kai terrinpe pe phuv, ta i e chiriklia. 20Mapalal o Noe lacharda iek than te blagosil e Devle ta te del le kurbanura. Ta lia katar suako zivirinia chisti ta katar suako chirikli chisti, ta dia len kurbano e Devleke.#Lv 11; Dt 14.3-21. 21Ta kana avila kai o Del gaia khan gia sukar, o Del phenda:
Nikada ios ni ka dav armaia e phuvia cheres e dos e manusengi, soke o manus sar kai si minono samo mislilpe te cherel o bilachipe. Ta ni ka zatriv pale so si le zivoto, gia sar cherdem akana.
22Sogo avela e phuv,
ka thoven simiche ande phuv
ta ka chiden e septelie,
ka cherel tatipe ta sil,
ka avel o viend ta i o milai
ta o llive ta i e riat.
Currently Selected:
Jenesis 8: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
Videos for Jenesis 8
Episode 36:Are We Near the End? The Bible’s Hidden Pattern
Under The Hood
EP 25. Why Do So Many Cultures Have Flood Myths? The Truth Behind the Stories
Under The Hood
Episode 29: Did a Meteor Really Trigger Noah’s Flood?
Under The Hood
Ep 32. Genesis 6-7: The Flood: A Heartbroken God Brings Justice and Mercy
The Bible Show