Jenesis 33

O Jakob ta o Esau lachardon

1Kana o Jakob dikhla kai o Esau avela star stotine llenenchar, fulada e minonen maskar e Lea, ta e Rakel ta e dui sluge diskinie. 2Mai anglal thoda e sluge diskinie pe minonenchar, mapalal thoda e Lea pe minonenchar, ta mapalal thoda e Rakela ta e Josee. 3Mapalal llelo mai anglal lendar, ta bangilo lligo ni reslo te dodil e phuv pe chikatea, ta gua cherda le efta droma lligo ni avilo kai po phlal. 4A o Esau prastio kai po phlal ta abrasisarda le ta chumidia le, ta e dui thode te roven. 5Mapalal o Esau dikhla e diskinien ta e minonen ta phenda:

A gala ¿ko si? O Jakob phenda:

Gala si e minone kai o Del dia che sluga.

6Ondaka e sluge diskinie ta lenge chaurre avile ta bangile llik pe phuv, 7mapalal avili e Lea pe chaurrenchar, ta bangile sargo ogola, ta mapalal avilo o Jose ta e Rakel ta i von bangile. 8Ondaka o Esau phenda:

¿A so misli te chere sa gale e stokenchar kai maladem? O Jakob phenda:

Te sai achav lacho tuia.

9O Esau phenda:

Na murrno phlal, man si but. Te achel tuia so si chiro. 10A o Jakob phenda:

Na, moliv man chuke. Te dikhlan pe ma lachimaia, le so me mangav te dav tut, soke kana dikhlem cho mui, mange avila sargo kana dikhlem o mui e Devleko, soke lian man lachimaia. 11Moliv man chuke, le so andem chuke soke o Del cherda man barvalo, ta niso ni trubul man. Pe gachin mangla o Jakob te lel so andaia leke, kai o Esau lia letar so anda, 12ta phenda leke:

Aitar katar, me ka llav angla tu.

13A o Jakob phenda:

Gazda, tu llane kai e minone inai len zor, ta morabi te misliv man ande bakre ta ande guruva kai si len telchura, ta te chinile but ande iek llive, sai meren sa e bakre. 14Mai sukar lla tu mai angle katar cho sluga, a me ka llav sa poloke, gia sar ka phiren e zivirinie angla ma ta prema sar phiren e minone lligo ni ka maladivav tuia ando Seir.

15A o Esau phenda:

Ka mukav chuke akana nesave llenen kai aven manchar. A o Jakob phenda:

¡Na, moliv man chuke! ¿Soke te chere gava? Dosta mange kai avilan lacho manchar.

16Ta isto gua llive, o Esau irisailo ando Seir. 17A o Jakob llelotar ando Sukot, ta cherda peke iek cher, ta iek cherorra patrenchar e zivirinienge. Goleke, gua than ikharda le Sukot.

18Kana o Jakob irisailo katar o Padam Aram avilo sasto ta braduime ando foro kai ikhardol Sikem, kai si ande phuv katar o Kanaan, ta inzarda pi chara angla o foro. 19Ta chinda iek kotor katar e umal, ta kote thoda pi chara, ta goia umal dia lake stotina tolaria. Chindala katar e chaurre katar o Jamor o dad katar o Siken.#Jos 24.32; Jn 4.5. 20Ta kote vazdia iek altar, ta ikharda le El Eloe Israel.

Currently Selected:

Jenesis 33: BACHRO

Highlight

Copy