Esdras 8
8
E llene kai irisaile katar e Babilonia
1Gala si e gazda katar e familie kai si pisime ande lila katar suako familia kai irisaile katar e Babilonia e Esdrasea, kana charoila o Artajerjes:
2O Gerson, katar o porodo e Fineeseko,
o Daniel, katar o porodo e Itamareko, o
o Jatus, katar o porodo e Davideko,
3o Zakarias ta stotine ta pinda murusa
kai sea porodo katar o Sekanias ta sea pisime ande lila.
Katar o porodo e Paroseko,
4o Elieoenai, chavo katar o Zeraias, katar o porodo
katar o Pajat Moab, kai sea lea dui stotine murusa,
5o chavo katar o Jajaziel, katar o porodo e Sekaniaseko,
kai sea lea trin stotine murusa.
6O Ebed, chavo katar o Jonatan, katar o porodo e Adineko,
kai sea lea pinda murusa,
7o Jesaias, chavo katar o Atalias, katar o porodo e Elameko,
kai sea lea pinda murusa,
8o Zebadias, chavo katar o Mikael, katar o porodo e Sefatiaseko,
ka sea lea ojtovardes murusa,
9o Abdias, chavo e Jejieleko, katar o porodo e Joabeko,
kai sea lea dui stotine ta desojto murusa,
10o chavo katar o Josifias, katar o porodo o Selomiteko,
kai sea lea stotina ta sovardes murusa,
11o Zakarias, chavo katar o Bebai, katar o porodo e Bebaieko,
kai sea lea bis ta ojto murusa,
12o Joanan, chavo katar o Akatan, katar o porodo e Azgadeko,
kai sea lea stotina te des murusa,
13O Elifelet, o Jejiel ta o Semaias,
o mai terno porodo e Adonikameko,
kai sea lea sovardes murusa. Von irisaile mapalal.
14O Utai ta o Zabud, katar o porodo e Bigvaieko,
kai sea lea eftavardes murusa.
E llene kai radina ando cher e Devleko
15Me o Esdras, chidiem len saurren pasa e lenorri kai del ande len Aava, ta loglam ta achilam kote trin llive. Ta kana rodiem maskar e llenen ta maskar e popura, ni maladem ni iek levita. 16Ondaka bichaldem te llal o Elier, o Ariel, o Semaias, o Elnatan, o Jarib, o Elnatan, o Natan, o Zakarias ta o Mesulam, kai sea llene glamne, ta i o Joiarib ta o Elnatan, kai sea but bizai. 17Ta phendem lenge te llan kai o Ido kai si gazda katar o than kai ikhardol Kasifia, ta te phenen e Idoke ta e llenenge kai sea lea kai radina ando cher e Devleko ta kai sea ande Kasifia, te anen amenge llenen te pomozin amen ando cher amare Devleko. 18Ta da fala e Devle soke ande amenge e Serebiase kai llanela but, vou saia porodo katar iek levita kai ikhardola Majli chavo katar o Israel, ta avilo pe chavenchar ta pe phlalenchar, kai sea desojto llene. 19Ta ande amenge e Jasabiase ta e Jesaiase, kai sea porodo katar o Merari. Vou avilo pe chavenchar ta pe phlalenchar kai sea bis llene.
20Katar e llene kai omanglal o David ta e gazda thodaia len te radin e levitenge, sea dui stotine ta bis llene, ta thode len te radin ando cher e Devleko prema lenge anava.
21Mapalal phendem te cherdol iek alluno pasa e len kai ikhardol Aava, te sai phena amaro bilachipe amare Devleke, ta te arakhel amare familia ta amare ezgode po drom kai iri amen ando Jerusalem. 22Ta lallailem te mangav katar o charo te bichalel amenchar boñikura pe gra te arakhen amen katar o dusmano e dromea, soke amen phendam e charoke kai o Del arakhel e llenen kai roden le, ta kai mukliarel pi zor ta pi joli pe llene kai muken le. 23Goleke cherdam o alluno ta molisailam e Devleke pala gala ezgode, ta vou dikhla pe amende.
24Mapalal thodem pe iek rig desudui katar e popura kai gazdarina:
O Serebias, o Jasabias ta des ios kai radina lea. 25Ta phariadem ta diem lende o rup, o sunakai ta e ezgode kai gurudaia o charo ta e llene kai pomozina le ta leke sudura ta sa e israelitura te sai den len kai o cher katar amaro Del. 26Diem lende bis ta iek milie ta star stotine ta pinda kile rup, stotina ezgode rupune, ta trin milie ta trin stotine kile sunakai, 27ta i bis tasura bare sunakune kai sa chidine phariavena ojto kile, ta dui ezgode cherde katar o tuch mai lacho kai klichil, kai si kuch sargo sunakai.
28Mapalal phendem lenge:
Tumen sen chinade te blagosin e Devle, isto sargo gala ezgode, o rup ta o sunakai kai si dine e Devleke, o Del katar amare purane. 29Prezon ta arakhen len lligo ni ka phariaven len angla e gazda katar e popura, ta angla e levitura ta angla e gazda katar e familie katar o Jerusalem. 30Ondaka e popura ta e levitura lie o rup, o sunakai ta e ezgode kai phariadea len, ta inllarde len ando cher e Devleko kai si ando Jerusalem.
31Ando llive desudui katar o purvo chon llelamtar katar e len Aava karing o Jerusalem. Amaro Del arakhla amen e dromea katar e dusmanura ta katar e kochkaria. 32Kana avilam ando Jerusalem kote achilam trin llive te lelpe amendar o chiñipe. 33Ando starto llive phariade o rup, o sunakai ta e ezgode ando cher e Devleko, ta diam len sa kai o popo o Meremot, chavo katar o Urias. Ta lea saia o Eleazar, chavo katar o Fines, ta e levitura o Jozabad, chavo katar o Jesua, ta o Noadias, chavo katar o Binui. 34Isto gua llive phariade ta llinde sa, ta pisisarde pe iek lil sa so andam.
35Mapalal, e llene kai sea phangle ta irisailea, ande te den kurbanura phabarde e Devleke katar o Israel, ando anav katar sa e israelitura, desudui guruvorra, iniavardes ta sov bakre purane, eftavardes ta efta bakre ta desudui busne e kurbanoke pala o bilachipe. Sa gala kurbanura phabarde len te blagosin e Devle. 36Mapalal, o lil kai bichalda o charo die le kai leke sudura ta kai e llene kai gazdarin pe ogoia rig katar e len Eufrates, ta von cherde o lachipe pala o foro ta pala o cher e Devleko.
Currently Selected:
Esdras 8: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
