Ezekiel 5
5
1A tu, chavo e manuseko, le chuke iek churi ostri, le iek bursnako kai chinen lea e chor, ta nakhav le pe cho soro ta pe che chor, mapalal fulav e bal pe trin umpe ta phariar len. 2E trito umpa ka phabarela pe iag po maskaral katar o foro, kana ka len o foro, ka le ogoia trito umpa bal ta ka chinela e churiaia truial katar o foro ta ogoia trito umpa ka rispi la pe balav, ta me ka ikanav mo jarni te pomoziu len. 3Ta ka le nesave kotar ta ka phande len pe iek rig katar cho gertachi, 4ta ka le pale lendar, ta ka chude len po maskaral katar e iag ta ka phabare len ande iag, kotar ka likel sa e iag kai o Israel.
5Gia phenda o Del o Gazda:
Gava si o Jerusalem, thodem le po maskaral katar e phuvia ta katar e forura kai si truial latar letar. 6A vou pharruda me zakonura ta mo sikadipe ta cherda len bilachipe, mai but neko e forura ta mai but neko e phuvia kai si truial letar, soke chudie me sikadipe ta me zakonura ta ni kandie len.
7Goleke, gia phenda o Del:
Cherdilen mai but neko e forura kai si truial tumendar, ni llelen prema mo sikadipe, ta ni guruden me zakonura, ni llelen ni prema e zakonura katar e forura kai si truial tumendar. 8O Del o Gazda phenda gia:
Goleke me ka vazdiniaivav pe tute, ea, me, ta ka cherav krisa po maskaral tutar angla e phuvia. 9Ta ka cherav tuia so ni cherdem nikada, ta so ni ka cherav pale, pala sa o bilachipe kai cherdan. 10Goleke e dada ka jan pe chaurren po maskaral tutar ta e chaurre ka jan pe daden. Ta ka chinav kris pe tute ta ka rispiu pe sa e baliava so ka achel tutar.#Dt 28.53-57; Jer 19.9; Lm 4.10. 11Goleke me, o Del, dav tut mo alav, kai pala o bilachipe kai cherden ande mo santuario che gadomaia, ka zatriv tut i me. Ni ka prostiv tut ta ni ka avel mange zalba tutar. 12Iek katar che trin riga ka merel pala o nasualipe ta e bok ka zatril po maskaral tutar. Ta aver katar che trin riga ka meren po jarni truial tutar ta ogoia rig katar e trin ka rispiu la pe sa e baliava ta ka llav pala lende e jarniea. 13Ka dukhavav len silnomaia ta ka ikanav pe lende mi joli ta ka avel mange dragostia. Ta ka llanen kai me o Del, diem orba jolinaia, kana ka cherdol mi joli pe lende. 14Ta ka cherav te ave pusto ta ka maren tutar espurnia e phuvia kai si truial tutar ta kogo ka dikhel tut. 15Ka ave e espurnia, e duk, e patnia ta e dar e phuvienge kai si truial tutar, kana me ka chinav krisa pe tute jolinaia ta silnomaia, te sikon katar e joli. Me o Del diem orba. 16Kana me ka bichalav tumenge e llide katar e bok, te zatriv tumen, ka cherav te avel ios mai but bok ta ni ka avel tumen marrno te jan. 17Ka bichalav tumenge e bok ta zivirinie dive te zatrin tut, nasualipe ta rat ka nakhel po maskaral tutar, ta ka mundaren tumen e jarniea. Me o Del diem orba.#Ez 14.21; Apo 6.8.
Currently Selected:
Ezekiel 5: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
