Ezekiel 45
45
O kotor phuv chinado e Devleke
Ez 48.9-20
1Kana ka fulaven e phuvia ta ka chelen tumen te dikhen pe ka ka perel, ka muken e Devleke iek kotor phuv te avel le dui kilometrura ta dopas ando lungipe, ta panch kilometrura ando bulipe, ta sa gia phuv ka avel blagosime ta dini e Devleke.
2Katar gaia phuv ka muke pe iek rig iek kotor phuv, te avel le duistotine ta pinda pole ando lungipe, ta duistotine ta pinda pole ando bulipe, ta truial, pe star riga ka avel le bistapanch pole ando bulipe, gava kotor ka avel katar o santuario. 3Ta i ka llinen iek than te avel le desudui kilometrura ta dopas ando lungipe ta panch kilometrura ando bulipe, ta kote ka avel o santuario ta o than mai santo. 4So si blagosime ka avel e poponenge kai radin ando santuario, kai aven te radin e Devleke, ta ka avel iek than te thoven pe chera, ta ka avel iek than devlikano te avel kote o santuario. 5Ta ka den iek kotor phuv e levitonen kai radin ando cher e Devleko, te avel le desudui kilometrura ta dopas ando lungipe, ta panch kilometrura ando bulipe, ta te aven le bis sobe e levitonenge. 6E foroke ka muken iek kotor phuv te avel la desudui kilometrura ta dopas ando lungipe ta dui kilometrura ta dopas ando bulipe, ta gaia phuv ka avel sa e foroke katar o Israel.
O than chinado e lleneke kai gazdaril
Ez 48.21-22
7Ka avel iek than e lleneke kai ka gazdaril, ta ka avel pasa o santuario, pe iek rig ta pe ogoia rig, ta pasa o than e foroko, angla o than kai mukle te thoven o santuario, ta angla so si e foroko, katar e rig kai likel o kham llik kai e rig kai perel o kham, 8Gaia phuv ka avel katar o Israel, ta nikada ios me gazda ni chichiden me foro, ta ka den e phuv e llenenge katar o Israel prema lenge viche.
Zakonura e lleneke kai gazdaril
9Gia phenda o Del o Gazda:
¡Dosta, gazda katar o Israel! Muken o silnope ta o choripe. Cheren kris ta cheren so si orta, na len ios so si me foroko, gia phenel o Del o Gazda.
10Llinen so phariaven e ezgode, orta sar trubul te cherdol.#Lv 19.36. 11Trubul te llinen iekhe ezgodaia e kuchorra, ta i so si sargo o pai. Sa trubul te llindol prema e stotina ta bis litrura, ta te fuladon ande des, ta llik ande stotina kotora.
12Kana ka phariaven vareso, cheren le prema e bis ta panch kile, kai sai fulaven len pe pinda llik kai e pe milia kotora.
13E ezgode dine kai tumen ka den katar e sebada ta o lliu, trubul te fuladol so tumen chidien ande sovardes kotora, ta ka den man iek lendar. 14O zeitino kai dino kai si te den, si iek katar e stotina litrura kai tumen cheren. 15Ta iek bakro katar e dui stotine katar tumari stoka, e kurbanoke, ta e kurbanoke kai phabardol ta e kurbanoke pala e pas te avel prostime lengo bilachipe, gia phenel o Del o Gazda.
16Sa e llene katar e phuv trubul te den gala ezgode e lleneke kai gazdaril ando Israel. 17A o lleno kai gazdaril, vou trubul te del o kurbano phabardo ta o kurbano ta o mukliardipe ande glamne slave, suako chon nevo, ande llivesa sabado ta ande sa e slave kai cherel o Israel, o lleno kai gazdaril ka anel so trubul pala o prostipe, so si dino, o kurbano kai phabardol, ta so si dino pala e pas, te sai aven prostime e llene katar o Israel.
E slave katar e paskua
18Gia phenda o Del o Gazda:
O purvo chon, o purvo llive katar o chon, ka le katar e guruva iek telcho kai inai leke inai leke nisavo bilachipe, ta ka chere te achel chisto o santuario. 19O popo ka lel o rat katar o kurbano, ta ka thovel pe direkura katar o cher e Devleko, ta pe star riga kai istaren o altar, ta pe direkura katar e udara katar e bar kai si andre. 20Gia ka chere ando eftato llive katar o chon e llenenchar kai cherde o bilachipe soke ni llanena o soke kojade len, ta ka chere kurbano pala o cher e Devleko. 21Ando llive desustarto katar o purvo chon, ka avel e paskua, efta llive ka avel slava, ta ka jan marrno kai inai le levadura.#Ek 12.1-20; Nm 28.16-25. 22Ande gua llive o gazda katar o foro ka mundarel iek telcho pala pe, ta pala sa e llene katar e phuv, pala o bilachipe. 23Ta ande efta llive katar e slava ka phabarel efta telchura e Devleke ta efta busne kai inai lenge niso bilacho, suako llive katar e efta, ta pala o bilachipe iek busno suako llive. 24Ta suako telchoia, ta suako bakrea ka delpe bis kile sereal, ta efta litrura zeitono.
E slava katar e cherorra
25Ando llive desupanchto katar o chon eftato, pe slava, ka cherel prema gala llivesa katar o kurbano pala o prostipe, prema o kurbano phabardo e Devleke, prema so si dino ta prema o zeitino.#Lv 23.33-36; Nm 29.12-38.
Currently Selected:
Ezekiel 45: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
