Ezekiel 42
42
E chera pasa o cher e Devleko
1Mapalal o manus inllarda man kai e bar kai si avri karing o norte, ta inllarda man kai e soba kai saia angla o than putardo kai saia angla o cher, karing o norte. 2Anglal katar o udar katar norte sea pinda pole ando lungipe, ta ando o bulipe saia le bis ta panch pole. 3Angla e des pole kai sea ande bar kai saia andre, ta angla o than barrustuno kai saia ande bar kai saia avri, sea e udara, iek angla aver ta po trin iek upral pe aver. 4Ta angla e sobe saia iek than te phiren kai saia le panch pole ando bulipe llik andre, ta saia le iek drom kai saia le dopas e pole ando bulipe, ta leke udara dena karing o norte. 5Ta e sobe kai sea mai upre sea mai tangune soke o than te phire lela lendar pole mai but neko katar ogola kai sea tele ta katar gola kai sea po maskaral katar o cher. 6Soke sea po trin iek upral pe aver ta ni saia len direkura sargo e bar, goleke, sea mai tangune neko gola kai sea tele ta neko gola kai sea po maskaral katar e phuv upre.
7Ta o zido kai saia avri angla e sobe, karing e bar kai saia avri, saia le bis pole ando lungipe. 8Soke o bulipe katar e sobe kai sea avri saia len bis ta panch pole, ta angla o cher e Devleko sea pinda pole. 9Ta telal katar e sobe saia o than kai delpe andre pe rig katar perel o kham, kai delpe andre katar e bar kai si avri. 10Pe sa o lungipe katar o zido katar e bar karing e rig kai likel o kham, angla o than putardo ta angla o cher sea sobe.
11Ta o than kai saia angla lende saia sargo e sobe kai sea karing o norte, so saia len ando lungipe saia len ando bulipe, ta sea len isto gola udara ta e thana kai delpe andre. 12Ta isto gia sea e udara katar e sobe kai sea karing o sur, saia iek udar angla o than kai phiren kai saia angla o baro zido kai si pe rig katar perel o kham, e llenenge kai den ande sobe.
13Ta o lleno phenda mange:
E sobe katar norte ta katar o sur, kai si angla o than putardo, si sobe sante kai kote kai e popura kai aven pasa o Del ka jan katar e sante ezgode kai si dine, kote ka thoven e sante ezgode dine, e ezgoda dini pala bilachipe ta o kurbano pala o bilachipe, soke gua than si santo. 14Kana e popura ka den andre, trubul te na liken kai e bar kai si avri, ta kote ka muken pe patave kai radin lenchar, soke si sante, ta ka thoven aver patave te sai llan pasa e ezgode kai si katar o foro.
E pole kai sea ando than katar o cher e Devleko
15Kana getosarda te llinel e pole katar o cher e kai saia andre, ikanda man po drom katar o udar kai si karing perel o kham, ta llinda e pole katar so saia truial. 16Llinda e rig katar perel o kham prema o kas kai llindon lea e pole, ta sea milia ta panch stotine pole, 17llinda karing o norte ta sea milia ta panch stotine pole, 18ta llinda karing o sur, milia ta panch stotine pole. 19Mapalal llelo truial katar e rig kai likel o kham, ta sea milia ta panch stotine pole. 20Llinda e pole katar e star riga, ta saia le iek zido truial kai sea le milia ta panch stotine pole ta o than saia le milia ta panch pole pe star riga, te sai fulavel o santuario katar o foro.
Currently Selected:
Ezekiel 42: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
