Ezekiel 31
31
O Faraon sargo prema iek sedro
1Ando burs desuiekto, ta o chon trito ta o purvo llive katar o chon, o Del dia manchar orba ta phenda mange: 2Chavo e manuseko, phen e Faraonoke o charo katar o Ejipto, te leke foroke, ta sa leke llenenge:
¿Prema so phendan kai sana ande cho ternipe?
3O asirio saia sargo iek sedro ando Libano,
sea le sukar krangura, pherdo patra ta baro,
ta chak upre saia pherdo patra.
4E paia cherde te bariol,
e bari jar cherda le te bariol,
e lena nakhena truial katar leko porrno,
ta sa e kasta katar o vos
mangena te avel len gola paia.
5Goleke barilo chak upral katar sa e kasta
kai sea ando vos, ta barile ios krangura pe lete,
ta pala e but paia
veselisaile leke krangura kai likistea leke.
6Ta pe leke krangura cherena cuibura
sa e chiriklia e milosoke
ta telal katar leke krangura
bianena sa e zivirinie katar o vos,
ta telal katar leko lado zivina but forura.
7Ta cherdilo sukar ande po baripe
soke barile leke krangura
soke leke zile sea pasa but paia.
8Ni iek sedro katar o vostano e Devleko#Jen 2.8-9.
ni saia sargo vou,
ni iek pino ni sea le patra sargo leke,
ni o kastaño ni saia le gola patra kai sea le,
ni iek kas ando vostano e Devleko
ni saia gia sukar sargo vou.
9Cherdem le sukar sa leke patrenchar,
ta sa e kasta katar o Eden,
gola kai sea ando vostano e Devleko
jolaile pala lete.
10Goleke, gia phenda o Del o Gazda:
Soke saia bariardo chak upre, gia barilo kai leke krangura resle but upre, leko lio furiao prema leko baripe, 11me ka dav le ande va katar o zuralo e phuviengo, kai ka cherel lea prema leko bilachipe. Me chudiem le. 12Ta ka zatrin le e llene katar aver phuvia, e zurale katar e phuvia, ta ka peraven le, leke krangura ka peren pe burdura ta pe sa e umalia, ta pe sa e lenorra ka aven phage leke krangura, ta ka llantar katar leki senka sa e forura e suetoke, ta ka muken le. 13Pe leko phagipe ka zivin e chiriklia, ta pe leke krangura ka aven sa e zivirinie katar o vos, 14te na istardol pale ni iek kas kai bariol pasa o paia, ta te na cheren baripe maskar e patra, ta te na uzdinpe ande po baripe sa gola kai pien o pai, soke surrenge si chinado o meripe, ta ka llan chak ande phuv, maskar e chave e manusenge, golenchar kai fulien ando limori.
15Gia phenda o Del o Gazda:
O llive kana fulisto ando meripe, cherdem te avelpe zalosno, cherdem te avel uchardi e bari jar cheres le, ta achadem leke lena, ta e but paia avile achadine, uchardem o Libano ande tufina pala le, ta sa e kasta katar o vos baldisaile. 16Kana pelotar cherdem te dermonpe e phuvia, kana cherdem len te fulien ando meripe sa golenchar kai fulien ando limori, ta sa e kasta esvirime katar o Eden, ta e mai lache katar o Libano, sa gola kai pien pai, lie peke zor chak andre katar e phuv. 17Ta i fuliste lea ando meripe, golenchar kai mule e jarniea, gola kai sea leko va a, gola kai sea pe leki senka maskar e phuvia. 18¿Prema ka dikhe isto tu tut ando blagosipe ta o baripe maskar e kasta katar o Eden? Tu ka ave peradino e kastenchar katar o Eden chak andre katar e phuv, maskar gola kai ni cherde e sirkunsision ka ave, golenchar kai mundarde len e jarniea.
Gava si o Faraon ta sa leko foro, gia phenel o Del o Gazda.
Currently Selected:
Ezekiel 31: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
