Ezekiel 1
1
Sargo suno katar e zor e Devleki
1Ando llive panchto katar o chon starto katar o burs tranda, kana me sema maskar e phangle pasa e len kai ikhardol Kebar, putailo mange o miloso ta dikhlem sargo sune katar o Del. 2Kana cherela panch burs ta panch chon sar kai ikandea katar leki phuv e charo e Joakine, 3o Del dia orba e popoia e Ezekeielea chavo katar o Buzi, ande phuv katar e kaldeura pasa e len kai ikhardol Kebar. Kote o va e Devleko avilo pe lete.#2 R 24.10-16; 2 Kr 36.9-10; Apo 19.11. 4Dikhlem kai avela katar o norte iek bari balav, ta iek baro oblako kai phabola, ta klichila truial, ta po maskaral katar e iag saia sargo iek ezgoda tuchni kai klichila, 5ta po maskaral lako dikhona star zivotura. Ta von sea gia:
Dikhona sargo manusa.#Ek 25.18-22; 1 R 6.23-28; Apo 4.6. 6Suako iek saia le star muia ta star pakha. 7Ta lenge porrne sea orta, ta e porrne chak tele sea sargo porrne guruvane, ta klichina sargo o tuch kana si but mordo. 8Telal katar leke pakha pe star riga, saia le va manuseke, ta pe star riga saia le muia ta pakha. 9E pakhenchar thovenape iek pasa aver. Ni dikhena pala pete kana phirena soke suako iek phirela orta angle. 10Ta lenge muia sea sargo manuseke ta lionoke pe rig e chachi katar e star, ta mui guruveko pe rig e stingo, ta saia len i mui sargo e agila e staren.#Ez 10.14; Apo 4.7. 11Ta lenge pakha sea inzarde upral, suako iek saia le dui pakha kai dodina iek averia, ta ogole duienchar ucharena pi esnaga. 12Ta suako iek phirela orta angle. Karing o duo cherela len te llan, von llana, ta kana llana ni iek lendar ni dikhela palpale. 13E zivotura sea sargo angara phabarde, o sargo memelia kai llana maskar e zivotura, ta e iag kletosarela ta andral katar e iag likena esterliche. 14Ta e zivotura prastena ta avena sargo esterliche.
15Kana me dikhava pe zivotura, dikhlem kai upral pe phuv pasa e zivotura pe star riga saia po iek tochko. 16Ta e tochkura dikhona sargo kana sea cherde katar o topasio. Ta e star sea isto sargo iek, dikhona kai sea cherde sargo iek tochko ande aver tochko. 17Kana llana, miskonape karing pe star riga, ni irinape kana llana. 18Ta lenge kolura e tochkonenge sea bare ta darane ta pherde akha truial pe star.#Apo 4.8. 19Ta kana e zivotura llana, i e tochkura llana lenchar. Ta kana e zivotura vazdiniaona katar e phuv, i e tochkura vazdiniaona. 20Kote kai o duo cherela len te llan, kote llana. Kote kai o duo cherela len te llan, e tochkura vazdiniaona lenchar, soke o duo katar e zivotura saia ande tochkura. 21Kana e zivotura llana, i von llana, a kana e zivotura achena, i von achena. Ta kana e zivotura vazdiniaona, i e tochkura vazdiniaona lenchar, soke o duo katar e zivotura saia ande tochkura.#Ez 10.9-13.
22Ta upral pe sore katar e zivotura saia iek putardipe ande glamni serchava#1.22 Serchava si: Vidrio. kai saia buliardi upral pe lenge sore.#Ech 4.6. 23Ta telal katar gua than, lenge pakha sea orta, inzarde iek karing aver ta suako iek saia le dui pakha kai ucharena lengi esnaga. 24Ta asundem sar basena lenge pakha, basena sargo but paia, sargo o avazi katar Del kai si le sa e zor, sargo kana asundon but llene, sargo e boñikura kana asundon. Kana achena, peravena pe pakha,#Apo 1.4-15; 19.6. 25ta kana achena ta peravena pe pakha, asundola iek avazi upral katar o putardipe kai saia upral pe lengo soro. 26Ta upral po putardipe kai saia upral pe lengo soro, dikhola iek trono sargo katar o barr vuneto, ta upral po trono saia sargo iek esnaga manuseki kai besela upral.#Ez 10.1; Ech 24.2-3. 27Saia sargo o tuch kana klichil, sargo kana andre saia e iag ta i truial, katar o maskar upre, ta katar o maskar tele, dikhlem kai saia sargo e iag, ta klichila truial.#Ez 8.2. 28Sargo e kustik kai dikhol pe oblakura ando llive kai delpeke, isto gia dikhola o klichipe truial. Gava saia sargo suno katar e glamni zor e Devleki. Ondaka inzilem ta mo mui saia pe phuv ta asundem iek avazi kai dela orba.
Currently Selected:
Ezekiel 1: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
