Ester 6
6
O Mardokeo dobil
1Isto goia riag, o charo nasti sovela, ta mangla te anen leke o lil kai si pisime sa e bare ezgode kai nakhena ande leki phuv, ta mangla te chitin leke. 2Ta kote likela sar llangla o Mardokeo kai e eunukura kai ikhardon Bigtan ta Teres, llene kai arakhena o than kai delpe ando cher e charoko, ta sa von mangena te mundaren e charo e Asuero.#Est 2.21-22. 3Ondaka o charo puchla:
¿Savo liubao ta so dobisarda o Mardokeo kai cherda gaia ezgoda?
Von phende leke:
Ni dobisarda niso.
4Ondaka dia o Aman ande bar kai dela kai e sobe e charoke, te mangel letar te umblaven e Mardokeo po than kai vou phendaia te lacharen. Ondaka o charo phenda:
¿Ko llal kotar?
5A e llene kai radina leke phende:
Gua si o Aman.
Ondaka o charo phenda:
¡Phenen leke te del andre!
6Kana o Aman dia andre, o charo puchla le:
¿So morabi te cherel o charo, kana mangel te del liubao iekhe llene?
A o Aman mislisailo:
Man ka del gua liubao soke inai aver lleno sargo me.
7Ta vou phenda leke:
Gole manuse kai o charo mangel te del gua liubao, 8morabi te anen leke isto gola patave kai thovel o charo, ta iek katar e gra kai o charo llal pe lende ta eik korona charoki kai si pe leko soro. 9E patave ta o gra morabi te del len lete o lleno mai glamno katar leki charoina, ta gua lleno te thovel e patave po lleno kai o charo mangel te del liubao, ta po gra te phiravel le pe plasa, ta te urkil angla lete:
¡Gia cherdol e llenea kai o charo mangel te del liubao!
10Ondaka o charo phenda gia e Amaneke:
Sigar, le e patave ta e graste isto gia sar phendan ta cher isto gua e judioia kai ikhardol Mardokeo, kai besel po udar katar o cher e charoko. Cher sa so phendan ta na bristar niso.
11Ondaka o Aman lia e patave ta e graste, ta thoda e patave po Mardokeo ta inllarda le po gra ta phirada le pe plasa e foroki, ta urkila:
¡Gia cherdol e llenea kai o charo mangel te del le liubao!
12Kana achilo o phiradipe, o Mardokeo irisailo kai o udar katar o cher e charoko, ta o Aman llelotar oma kai po cher, uchardo leko soro ta pherdo zalba. 13Kana avilo chere phenda pe rromiake e Zeresake ta pe amalenge sa so nakhla, ta von phende leke gia:
Gua o Mardokeo kai cherda te jasare o gazdaripe, te si judio, nasti ka dobi le, ta ka jasare sa.
14Ta kana vou dela orba, avile e eunukura e charoke te inllaren e Amane kote kai cherdaia o jape e Ester.
Currently Selected:
Ester 6: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
