Amos 2
2
1Gia phenel o Del:
E llene katar o Moab cherde gachin ezgode bilache
kai ni ka prostiv len,
soke phabarde e kokala katar o charo e Edomeko
lligo ni cherdile prajo iagako.
2Goleke ka phabarav e phuv katar o Moab,
ta goia iag ka phabarel lenge bare chera katar o Keriot,
ta ande urkipe marimake
ta basaldipe katar e tuturuge,
ka meren e moabitura.
3¡Ka ikanav e charo maskar o foro,
ta ka mundarav le ta leke sudonen mai preche!
Gia phenda le o Del.#Is 15.1—16.14; 25.10-12; Jer 48; Ez 25.8-11; Sof 2.8-11.
4Gia phenel o Del:
E llene katar o Juda cherde gachin ezgode bilache
soke ni asunde o sikadipe e Devleko,
ta ni cherde leki volia,
a radisarde isto gole delenge
kai radisarde lenge purane.
5Goleke ka phabarav o Juda,
ta e iag ka phabarel lenge bare chera katar o Jerusalem.#Os 8.14.
E kris po Israel
6Gia phenel o Del:
E llene katar o Israel cherde gachin ezgode bilache
kai ni ka prostiv len,
soke bichinde e lache llenen,
ta die e chorre llenen pala e minie.
7Ustaven e chorren, muken len ando lallao,
ta ni chinen lenge kris orta.
O dad ta o chavo soven isto iekhe diskiniaia,
ta ni den liubao me anaveke.
8Inzarde pe patave kai lie kana die love unllile,
jan o jape kai chirade e delenge
ta e lovenchar kai len kojaimaia
pien mol ande chera katar lenge dela.#Ek 22.26-27; Dt 24.10-13.
9Me zatrisardem e amorreonen angla lende,
kai sea bare sargo e sedrura
ta zurale sargo o roble.
Zatrisardem lenge septelie ta chindem lenge zile.#Dt 3.8-11.
10Ikandem tumen katar o Ejipto,
inllardem tumen saranda burs po pusto
te dav tumenge lengi phuv.#Ek 20.2; Dt 8.2-16.
11Katar tumare chave cherdem poraukura,
ta nazareonura.
Gia phenda le o Del.#Nm 6.1-8.
12A tumen pe zor cherden te pien mol e nazareonura,
ta ni muklen e profetanen te den orba ande mo anav.
13Goleke me ka chichidav tumen kote kai sen,
gia sar chichidiniaol o lliu
ando iek bordon.
14Makar te prastena ni ka nasen.
O lleno mai zuralo ni ka blazil leki zor,
ta ni o mai tromano nasti ka braduilpe.
15O lleno kai chudel llide ni ka terpil, ta ni ka braduilpe.
Ni ka braduilpe o lleno kai ka prastel zurale,
ni o lleno kai ka nasel pe gra.
16Gua llive, o mai tromano katar e boñikura,
ka nasel nango.
Gia phenda le o Del.
Currently Selected:
Amos 2: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
