2 Korintios 8
8
Soke morabi te pomozi
1Akana phlalalen manga te phena tumenge sar sikadilo o volipe e Devleko ande khanllira katar e Masedonia.#Ro 15.26. 2Gala khanllira nakhle bare dukha, ta isto gia von si but vesele. Von si but chorre, a die sargo kana von sea barvale. 3Chachimaia phenav tumenge kai von die sa so sai dena, ta i mai but. Ta ni cherde le pe zor, soke isto von mangle te cheren le. 4Ta molinape amenge te muka i len te pomozin e llenen kai si katar o foro e Devleko. 5Von cherde mai but neko so uzdia amen kai ka cheren, soke isto von mai anglal diepe e Gazdake ta mapalal amenge. Gale ezgodaia cherde so o Del mangela lendar. 6O Tito saia o lleno kai mai anglal thodape te chidel maskar e llene te pomozin averen. Goleke manglam letar te llal angle gale radoia. 7Tumen sen lache pe suako ezgoda: si tumen iek pachape zuralo ando Del, den orba sukar, llanen but, si tumen but zor te radin averenge, ta tumen volin amen but. Akana morabi te aven e mai lache te pomozin averen pe gaia buchi.
8Me ni phenav kai morabi te kanden man. So me mangav si te llanen sar ogola khanllira thovenpe te pomozin, ta gia i tumen te sikaven kai tumaro volipe si chachuno. 9Tumen llanen kai amaro Gazda o Jesukristo, pala o volipe kai si le pala tumende cherdilo chorro kana vou saia barvalo, ta gia cheres leko chorripe tumen te cherdon barvale.
10Me phenav so misliu man katar gaia ezgoda pala tumaro lachipe. O burs kai nakhlo tumen sena e llene kai mai anglal dien ta cherden le veselimaia. 11Getosaren so thoden tumen te cheren, ta cheren le isto e veselimaia kai saia tumen mai anglal, ta suako lleno te del prema so sai del. 12Soke te si vareko kai chachimaia mangel te pomozil, o Del lel letar so vou dia soke dia prema so si le. Soke o Del ni mangel so e manuse inai.
13Me ni phenav te pomozi averen, a tumen te trubul tumen, e orba si te avel saurren. 14Akana kai si tumen but morabi te pomozin golen kai si len cherricha, a sai avelpe kai mai angle len ka avel but ta von ka pomozin tumen, ta gia ka avel saurren. 15Gia sar phenel ando Pisipe: Gua kai chidia but ni avila le mai but, a gua kai chidia cherricha ni avila le mai cherricha.#Ek 16.18.
E llenen kai bichalda o Pablo
16Fala e Devleke kai thoda ando lio e Titoko isto goia briga kai si man cheres tumende. 17Ta cherda so phendem leke soke brigilpe pala tumende, ta akana llal isto vou petar soke mangel te dikhel tumen.
18Bichalav e Titoia iekhe phlale kai sa e khanllira den leki orba pala o rado gia sukar kai cherda te bariarel e lachi viasta. 19Ta i e khanllira esvirisarde le te llal amenchar te inllara so chidiam, ta gale buchaia da liubao amare Gazda ta sikava kai manga te pomozi. 20Goleke ni kamam niko te del orbe bilache amendar pala so amen chidiam. 21Goleke thodam amen te chera o lachipe angla o Gazda ta i angla e manusa.#Pr 3.4.
22Ta lenchar bichalav tumenge avere phlale kai sikada amenge pe but ezgode kai si chacho ta mangel te pomozil, ta mai but akana kai si le gia bari vera ande tumende. 23Katar o Tito sai phenav kai llal manchar ta e dui radi te sai pomozi tumen. Ta den tumen golli kai ogola dui phlal bichalde len e khanllira, ta von blagosin e Kristo. 24Goleke sikaven lenge kai volin len chachimaia te sai llanen le e khanllira ta te llanen kai si amen, soke te chera baripe ande tumende.
Currently Selected:
2 Korintios 8: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
