2 Kronikas 1
1
O Salomon mangel e Devletar bizaipe
1 R 3.3-15
1O Salomon chavo e Davideko zuriarda pi charoina soke o Del pomozisarda le, ta cherdilo but zuralo. 2Ondaka o Salomon ikharda sa e llenen katar o Israel, e gazden katar e milie ta katar stotine boñikura, e llenen kai sea krisaria, e gazden katar e familie ta e llenen mai preche katar o Israel. 3Ta sa e llenenchar kai chidinailea llelo ando Gabaon soke kote saia e chara e Devleki kai o Moises, sluga e Devleko cherdaia po pusto. 4A o David andaia e arka e Devleki katar o Kiriat Jearim llik kai o than kai lachardaia ando Jerusalem, soke vazdiaia iek chara te thoven la kote.#2 S 6.1-17; 1 Kr 13.5-14; 15.25—16.1. 5Ta i o altar tuchno kai cherdaia o Besalel chavo katar o Uri, unuko katar o Jur, saia ando Gabaon angla e chara e Devleki, kote o Salomon ta e llene kai chidinailea lea llele te puchen e Devle.#Ek 36.8-38; 38.1-7.
6O Salomon llelo kai o altar tuchno kai saia angla o Del ta angla e chara kai chidiniaona, ta dia upral pe lete milia kurbanura phabarde.
7Isto goia riat o Del sikadilo e Salomoneke, ta phenda leke:
Mang mandar sogo kamea ta me ka dav le chuke.
8Ta o Salomon phenda e Devleke:
Chuke avila bari zalva katar mo dad o David, ta thodan man te charoiv pe leko than. 9Akana Devla, cher so achilan po alav kai dian me dade e Davide, soke thodan man charo pe iek foro but baro, baro sargo o prajo e phuviako.#Jen 13.16; 28.14. 10Goleke, de man bizaipe te inllarav gale foro, soke ¿ko ka gazdaril pe gava foro gia baro kai si chiro?
11Ta o Del phenda e Salomonoke:
Soke ni manglan barvalipe ta ezgode glamne, ta ni manglan o meripe katar che dusmanura, ta ni manglan te zivi but, a manglan bizaipe te sai inllare me foro kai pe lete thodem tut charo, 12me ka dav tut bizaipe, ta na samo gua, soke ka dav tut barvalipe, baripe ta dragostia kai ni sea e charonen kai sea mai anglal tutar, ta ni ka avel e charonen mapalal tutar.
13Mapalal o Salomon llelotar katar e chara e Devleki kai saia ando Gabaon ta irisailo ando Jerusalem, ta charoisarda ando Israel.
O Salomon chinel ta bichinel bordona ta gra
1 R 10.26-29; 2 Kr 9.25-28
14O Salomon chidia bordona ta llenen kai llan pe gra. Sea le milia ta star stotine bordona ta desudui milie llene kai llana pe gra, ta thoda len ande forura katar e bordona ta te arakhen e charo ando Jerusalem.#1 R 4.26. 15Ta o charo cherda te avel ando Jerusalem but rup ta sunakai, gachin sargo e barra, ta thoda te barion e kasta katar o sedro, gachin sargo e simochine kai si ande umal katar e Sefela.#Dt 17.17. 16E gra ta e chitura sukar katar o Salomon anela len katar o Ejipto, soke e llene kai radina e charoke chinena len kote.#Dt 17.16. 17Iek bordon molale sov stotine tolaria rupune, ta iek gra molale stotina ta pinda. Ta sa e charura, jititura ta siriura, chinena len e llenendar kai radina e charoke.
Currently Selected:
2 Kronikas 1: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
