1 Timoteo 2
2
Morabi te moli amen pala sa o sueto
1Mai anglal mangav tumendar te molintumen pala sa o sueto, te den fala e Devle pala suako ezgoda ta te mangen letar te sikavel tumenge kai vou si posteno ta te pomozil tumen. 2Molintumen pala e kraliura ta pala e llene kai gazdarin, te sai avel amen iek zivoto esmiro, ta ande pas. 3Soke gava molipe si drago e Devleke amaro Braduimari, 4soke vou mangel sa e manusa te braduinpe ta te pinllaren o chachipe. 5Soke samo iek Del si, ta samo iek manus kai si po maskaral katar o Del ta e manusa:
O Kristo Jesus. 6Soke vou pochinda pe zivotoia te sai braduil sa e sueto, ta katar gala ezgode diape e orba chachi orta po vreme.#Mt 20.28; Mk 10.45; Gl 1.4; Tit 2.14. 7Goleke sem thodo te phenav gaia orba ta i apostol, ta si man o rado te sikavav katar o pachape ta katar o chachipe e llenenge kai inai judiura. So phenav si chachipe, ni kojavav.#2 Ti 1.11.
Sar morabi te aven e murus ta e diskinia
8Mangav te molinpe e murusa kaigo te aven, ta te vazden pe va e Devleke iekhe liea chisto ta te na avel joli ni te janpe. 9Ta mangav katar e diskinie te furiadon sukar liubaimaia, te na furiadon barimaia, te na lacharen pe bal barikarimaia, te na thoven ni sunakai ni klea ni patave kai si but kuch.#1 P 3.3. 10O sukaripe kai morabi te thoven pe pete si e lache ezgode kai cheren, gia sar morabi te aven e diskinie kai mangen te blagosin e Devle. 11E diskinia morabi te asunen esmiro ta liubaimaia so sikaven; 12ta ni mukau e diskinien te sikaven angla e llene ta te na gazdarin po murus. Mangav te achen esmino, 13soke o Del mai anglal cherda e Adane ta mapalal e Eva,#Jen 2.7,21-22. 14ta o Adan ni avilo kojadino, e diskinia avili kojadini; ta sar avili kojadini, peli ando bilachipe.#Jen 3.1-6. 15A e diskinia ka avel braduime te cherda po rado sargo dei, ta te avila la bizaipe ando pachape, ando volipe ta ande santidad liubaimaia.
Currently Selected:
1 Timoteo 2: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
