1 Tesalonisenses 4
4
Sar si drago e Devleke te zivi
1Goleke phlalalen, gia sar sikilen amendar te aven drago e Devleke ta llana kai cheren le, manga tumendar ando anav katar o Gazda o Jesus te sikon suako llive mai but te sai phiren po zivoto.
2Tumen llanen so phendam tumenge te cheren ando anav katar o Gazda o Jesus.
3E Devleki volia si te avel tumaro zivoto blagosime, te na aven ando kurvaluko 4ta suako lleno te avel murus samo pe rromiako lachimaia ta ando liubao, 5ta te na cheren bilache ezgode sargo e llene kai ni pachan ando Del. 6Ande gala ezgode te na kojavel niko iek avere, soke o Del ka patil zurale gole llenen kai cheren gala ezgode, isto sar phendam tumenge. 7O Del ni ikharda amen te ava ande ezgode melale, o Del mangel te ava llene sante. 8Goleke, ko ni thovela sama gale alavenge inai kai ni kandel amen, ni kandel e Devle kai dia tumen po Santo Duo.
9Inai soke te da tumenge orba katar o volipe kai si te avel tumen maskar e phlal, soke isto o Del sikada tumen te volin iek avere. 10Ta gia cheren le tumen sa e phlalenchar kai zivin ande Masedonia. 11Zivin esmiro ta radisaren ande tumare ezgode, radin tumare vastenchar gia sar phendam tumenge, 12ta e llene kai ni pachan te avel len liubao tumenchar ta te na aven istarde pe nika.
O Gazda irilpe
13Phlalalen, manga te llanen so ka avelpe e llenenchar kai mule, te na triston tumen sargo ogola llene kai ni aduricharen niso. 14Amen pacha kai o Jesus mulo ta ustilo katar o meripe, ta pacha kai isto gia o Del ka cherel e Jesusea te usten katar o meripe sa e llenen kai pachaie ande le.
15Goleke phena tumenge sar sikada amen o Gazda, kai amen gola kai ka acha llunde lligo ni ka avel o Gazda, ni ka ava mai angle neko gola kai mule. 16Soke isto o Gazda ka fuliel katar o miloso ta ka asundol iek avazi kai gazdaril, o avazi katar o gazda e suechonengo, ta ka asundol e tuturuga e Devleki. Ta gola kai mule ta pachaie ando Kristo, ka usten mai anglal; 17mapalal gola kai ka acha llunde ka ava inllarde lenchar ande oblakura, ta ka maladiva e Gazdaia ando miloso; ta gia ka ava lea ostade.#Mt 24.30-31; Mk 13.26-27; 1 Kor 15.51-52. 18Den tumen zor iek avere gale alavenchar.
Currently Selected:
1 Tesalonisenses 4: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
