1 Samuel 12
12
O Samuel del orba e foroke
1Mapalal o Samuel phenda sa e llenenge katar o Israel:
Me asundem sa so tumen phenden mange ta thodem tumenge iek charo, sar tumen mangena. 2Etalo kate tumaro charo. Me phurilem, me bal parrnile, a me chave si tumenchar. Me sar kana sema terno gazdarisardem pe tumende llik akana. 3Kate sem me. Fiko te phenel angla o Del ta angla tumaro charo dal liem tumendar iek guruv, o liem iek magarcho, o diem orba kojamni fikatar, o cherdem bilachipe fikake, o pochinda mange vareko te chinav iek kris bangi. Te si gia, me ka iriv e love.
4Ondaka saurre phende leke:
Nikada ni cherdan amenge bilachipe, ta nikada ni lian love kojaimaia.
5A o Samuel phenda lenge:
O Del ta leko charo dikhen akana kai tumen ni malaven niso bilacho mandar. A von phende leke:
Gua si o chachipe.
6Ondaka o Samuel phenda e foroke:
O Del kai ikharda e Moisese ta i e Aarone te aven leke sluge. Kai ikanda tumare daden katar o Ejipto, vou dikhel akana.#Ek 6.26. 7Goleke asunen man, soke akana ka phenav tumenge pe gachin droma o Del braduisarda tumare daden ta i tumen. 8Kana o Jakob dia ando Ejipto, tumare dada urkindo ikharde e Devle soke e ejipsiura patina len, ta o Del bichalda e Moisese ta e Aarone, kai ikande tumare daden katar e phuv katar o Ejipto, ta cherde len te zivin pe gaia phuv.#Ek 2.23. 9A von bristardepe e Devletar, ta o Del dukhada len e Sisaraea, kai saia gazda e boñikonengo katar o charo Jabin, kai saia katar e phuv katar o Jazor. Ta dukhada len e filisteonenchar, ta dukhada len e charoia katar e phuv katar o Moab. Sa gala avile te marenpe lenchar.#Jue 3.12; 4.2; 13.1. 10A von mangle urkindo e Devletar, ta phende:#Jue 10.10-15.
Amen cherdam o bilachipe soke muklam e Devle ta blagosisardam avere delen kai ikhardon Baal ta Astarot. Ta von molisaile e Devleke te braduil len katar lenge dusmanura, ta achile pe orba kai ka blagosin samo e Devle.
11Ondaka o Del bichalda e Jerubaale, e Barake, e Jeftee ta e Samuele te braduil tumen katar tumare dusmanura kai sea truial. Mapalal tumen zivisarden esmiro. #Jue 11.29; 1 S 3.20. 12Kana tumen dikhlen kai o Najas, kai saia charo katar e amonitura, avilo te marelpe tumenchar, tumen phenden mange:#1 S 8.19.
Iok, amen manga te gazdaril pe amende iek charo. Ta o Del si tumaro chachuno charo. 13Ta etalo kate o charo kai mangena tumen. Dikhen sar o Del thoda iek charo pe tumende. 14Te si kai tumen blagosin e Devle, asunen leke alava. Cheren leki volia, ta tumen ta o charo kai charoil pe tumende, samo blagosin e Devle. Te si gia, ka cheren o lachipe. 15A te si kai ni ka asunen e Devleke alava ta ni ka kanden le, ondaka o va e Devleko ka perel pe tumende gia sar saia pe tumare dada.
16Achen akana te dikhen e bari ezgoda kai ka cherel o Del angla tumare akha. 17¿Inai akana o vreme kana chiden o lliu? Me ka ikharav e Devle, ta vou ka cherel te germil ta te delpeke, te dikhen ta te llanen kai tumaro bilachipe kai cherden angla o Del si but baro, soke tumen manglen iek charo.
18Ta o Samuel molisailo e Devleke, ta o Del cherda te germil ta te delpeke gua llive. Ta sa o foro darailo but katar o Del ta katar o Samuel. 19Ondaka sa o foro phenda e Samueleke:
Molisao e Devleke pala amende, te na mera. Soke pe sa o bilachipe kai cherdam, aver bilachipe cherdam, kai amen manglam iek charo.
20Ta o Samuel phenda e foroke:
Na daran. De istina si kai tumen cherden gava bilachipe. Na muken e Devle, blagosisaren le sa tumare liea. 21Na blagosisaren e delen kojamne kai nasti braduin, soke von inai niso. 22Soke o Del ni mukel pe foro pala po baro anav. O Del mangla te aven tumen leko foro. 23Goleke te na del o Del te mukau te moliv man pala tumende, ta te sikavav tumen o drom orta ta chacho. 24Goleke daran e Devletar ta blagosin le sa tumaro liea pala e bare ezgode kai vou cherda tumenge. 25A te cheren o bilachipe, tumen ta tumaro charo ka meren.
Currently Selected:
1 Samuel 12: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
