1 Relles 5
5
O Salomon ta o charo o Jiram
2 Kr 2.1-18
1Kana o Jiram, o charo katar o Tiro, llangla kai thodea e Salomone po than e Davideko leko dad, bichalda lete leke llenen, soke o Jiram cherela but pala o David. 2Ondaka o Salomon bichalda llenen te phenen e Jirameke gia:
3Tu llane kai mo dad o David nasti vazdia cher e Devleke pala but maripe kai saia le llik kana o Del cherda le te dobil pe dusmanonen. 4A akana o Del dia amen e pas pe suako rig, soke inai amen dusmanura ni muke. 5Goleke me mangav te vazdav cher e Devleke. Soke o Del achilo pe orba me dadea kana phenda leke:
Che chave ka thovav te charoil pe cho than, ta vou ka vazdel cher te blagosin mo anav.#2 S 7.12-13; 1 Kr 17.11-12. 6Phen akana, te ikanen kotora kastune katar o sedro katar o Libano, ta me sluge ka aven che slugenchar, ta me ka pochinav che slugenge e love kai tu ka phene, soke tu llane kai samo e sidoniura llanen te radin gia sukar ande kotora kastune.
7Kana o Jiram asunda e alava katar o Salomon, veselisailo but ta phenda:
¡Blagosime te avel o Del, soke dia e Davide iek chavo but bizai te sai gazdaril pe gava baro foro!
8Mapalal o Jiram bichalda llenen te phenen e Salomonoke gia:
Asundem sa so bichaldan te phenen mange, ta ka cherav so manglan katar e kotora kastune katar o sedro ta o sipres. 9Me sluge ka inllaren len katar o Libano llik kai e mora, ta kotar ka phenav te inllaren len ande llimie llik kai tu ka phene le. Kote tu ka le e kasta. Me samo mangav tutar te pravare me familia.
10O Jiram dia e Salomone sa e kotora kastune katar o sedro ta o sipres kai mangla, 11ta o Salomon pravarda e familia katar o Jiram ande star millonura ta star stotine milie kile lliu, ta star milie ta star stotine litrura katar o mai lacho zeitino maslinkengo, suako burs. 12Gia o Del dia e Salomone bizaipe gia sar diaia le po alav. Ta saia pas maskar o Jiram ta o Salomon, ta e dui achile pe orba.
13Ta o Salomon phenda te radin pe zor tranda milie murusa te sai vazden o cher e Devleko, 14ta suako chon des milie murusa llana ando Libano. Gala murusa achena chon llive ando Libano, ta dui chona ande pe chera. Ta o Adoniram gazdarila pe sa gala llenen. 15Ta e Salomone sea eftavardes milie murusa kai inllarena o pharipe, ta ojtovardes milie murusa kai ikanena e barra katar e burdura, 16ta i trin milie ta trin stotine gazda kai arakhena e murusen kai radina. 17Ta o charo phenda te ikanen e mai bare ta lache barra te vazden pe lende o cher e Devleko. 18Ta e llene katar o Salomon ta o Jiram kai vazdena o cher, ta e llene katar o Gebal, lacharde e kotora kastune ta e barra te vazden o cher e Devleko.
Currently Selected:
1 Relles 5: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
