1 Juan 5
5
O pachape kai dobil e sueto
1Suako lleno kai pachal kai o Jesus si o Kristo, si biando e Devletar. A suako lleno kai volil e dade, volil i leke chaven. 2Kana amen voli e Devle ta chera leki buchi, llana kai amen voli i e Devleke chave. 3Soke gava si te voli e Devle, te kanda leke alava, ta inai trudno te chera le.#Dt 30.11; Mt 11.30; Jn 14.15; 2 Jn 6. 4O chachipe si kai sogo si biando e Devletar, dobil e sueto. Ta amaro pachape cherda te dobi gale sueto. 5Gua kai pachal kai o Jesus si e Devleko Chavo, dobil e sueto.
6Kana o Jesukristo avilo pe gava sueto, avilo katar o pai ta o rat; na samo katar o pai, vou avilo katar o pai ta i o rat. O Duo phenel gava, ta sogo phenel o Duo si chachipe. 7Soke trin phenen kai gua si chachipe: 8O Duo, o pai ta o rat. Gala trin phenen isto gua.
9Amen pacha ande so phenen e llene, a so phenel o Del si mai baro soke o Del phenel katar leko Chavo.#Jn 5.32-37; 8.18. 10Gua kai pachal ande Devleko Chavo inllarel o chachipe ande po lio; a o gua kai ni pachal, cherel e Devle sargo kojamno, soke ni pachal ande so phenel o Del katar leko Chavo. 11A gava si so phenel o Del amenge: Kai dia amen o zivoto ostade, ta gava zivoto si ande leko Chavo. 12Gole kai si le o Chavo e Devleko, si le o zivoto ostade. A gole kai inai le o Chavo e Devleko, inai le o zivoto ostade.#Jn 3.36.
13Me pisiv tumenge kai pachan ande Devleko Chavo te llanen kai si tumen o zivoto ostade.#Jn 20.31.
14Si amen vera ando Del, soke llana kai te manga fiso kai si prema leki volia, vou asunel amen. 15Ta isto gia sar amen llana kai vou asunel amaro molipe, i amen llana kai si amen so manglam letar.#Mt 7.7-11; Lk 11.9-13; Jn 15.7,16; 16.23-24; 1 Jn 3.21-22.
16Fiko te dikhela kai leko phlal cherel iek bilachipe kai ni inllarel po meripe, morabi te molilpe, ta o Del ka del le zivoto. Soke sai te avel iek bilachipe kai ni inllarel po meripe. Nesave bilachipe cheren e manuse te jasaol o zivoto ostade, a me ni phenav kai pala gua bilachipe morabi te molilpe. 17Suako ezgoda kai inai lachi si bilachipe, ta na suako bilachipe inllarel po meripe.
18Amen llana kai suako lleno kai biandilo e Devletar, ni thovelpe te cherel o bilachipe, soke o Jesukristo, o Chavo e Devleko arakhel le ta o llavolo nasti dodisarel le. 19Amen llana kai sam e Devletar ta sa o sueto si gazdarime e llavolotar. 20I amen llana kai o Chavo e Devleko avilo ta cherda te pinllara e Devle o chachuno; ta amen sam e Chavea o Jesukristo. Gava si o Del o chachuno ta o zivoto ostade.#Jn 17.3. 21Chavalen, arakhen tumen katar e dela kojamne. Gia te avelpe.
Currently Selected:
1 Juan 5: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
