1 Korintios 3
3
Esluge e Devleke
1Phlalalen, goleke me nasti dava tumenge orba sargo llenenge kai si len o Duo e Devleko, soke tumen zivina sargo e llene bilache kai si pe gava sueto. Goleke diem tumenge orba sargo minonenge ando Kristo. 2Sikadem tumen ezgode minone, diem tumen te pien thud, na jape zuralo soke nasti janale ta ni akana nasti jan jape zuralo,#Ebr 5.12-13. 3soke llik akana zivin sargo e llene bilache katar gava sueto. Si tumen joli iek pe aver ta jan tumen maskar tumende. 4Soke kana iek lleno maskar tumende phenel: Me sem e Pabloko, aver phenel: Me sem e Apoloko, kote cheren sargo e llene katar gava sueto.#1 Kor 1.12.
5Goleke, ¿so si o Apolo?, ¿ta so si o Pablo? Von si esluge kai cheres lende tumen avilen kai o pachape. Suako lleno amendar cherda po rado kai o Del phenda te chera: 6Me thodem e simicha a o Apolo thoda o pai, a o Del si kai bariarda e simicha.#Ech 18.4-11; 18.24-28. 7Goleke, ni gua kai thoda e simicha, ni gua kai thovel o pai inai niso, samo o Del si kai cherel te bariol e simicha. 8Goleke, gua kai thovel e simicha ta gua kai thovel o pai sa iek si, soke o Del ka pochinel suakone lleneke prema lengi buchi. 9O Apolo ta me radi e Devleke, a tumen sen e simicha pe phuv ta i o cher kai si e Devleko.
10Me sema o kovachi kai vazdel chera ta o Del ande po volipe thoda man te thovav o zido pe phuv, ta aver lleno si kai vazdel upral pe gua zido. A suako lleno morabi te arakhelpe sar vazdel o cher, 11ta niko nasti thovel aver zido pe gua kai si thodo, soke gua zido si o Jesukristo. 12Ta pe gava zido o manus sai vazdel iek cher ta sai thovel sunakai, rup, barra kai si but kuch, o kastenchar, o patrenchar o kastorrenchar. 13A e buchi suakone lleneki ka dikhol bristomaia ando llive e krisako, soke gua llive ka avel iagaia, ta e iag ka zumavel e buchi kai suako lleno cherda. 14Te si zuralo so vazdia o manus pe gua zido, ka pochinen leke, 15a te phabola so o manus vazdia, ka jasarel pi buchi, i te braduilape sargo kana iek lleno nasel katar e iag.
16¿A so, ni llanen kai sen o cher e Devleko ta kai o Duo e Devleko zivil ande tumende?#1 Kor 6.19; 2 Kor 6.16. 17Vareko te zatrila o cher e Devleko, o Del ka zatril le, soke o cher e Devleko si santo ta gua cher e Devleko sen isto tumen.
18Niko te na kojavel isto vou pe: Vareko tumendar te mislilape kai si bizai prema o bizaipe gale suetoko, te cherdol sargo iek lleno kai ni llanel niso, ta gia ka cherdol de istina iek bizai. 19Soke e Devleke si samo dilipe o bizaipe gale suetoko. Soke gia phenel o Pisipe:#Job 5.13.
O Del phandel e bizaien isto ande lengo bizaipe. 20Ta i phenel:#Sal 94.11.
O Del llanel kai e mislura e bizaienge si samo dilipe. 21Goleke, niko te na falilpe pe so cheren e manusa, soke chachimaia sa gala ezgode si tumare: 22o Pablo, o Apolo, o Pedro, e phuv, o zivoto, o meripe, so si akana ta so si te avelpe. Sa si tumaro, 23ta tumen sen e Kristoke, ta o Kristo si e Devleko.
Currently Selected:
1 Korintios 3: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
