1 Korintios 10
10
1Ni kamam phlalalen, te bristaren tumen kai amare purane sa sea telal tala gua oblako, ta saurre nakhle e Mora e Loli.#Ek 13.21-22; 14.22-29. 2Ta gia saurre achile kristime ande iek than e Moisesea kana sea kristime ando oblako ta e mora. 3Ta isto gia saurre jale iek jape duoko kai o Del dia len.#Ek 16.35. 4Ta saurre pile isto gua pipe duoko. Soke piena pai katar o barr duoko kai llala lenchar kana ladena, ta gua barr kai llala lenchar saia o Kristo.#Ek 17.6; Nm 20.11. 5Ta isto gia but llene lendar ni avile drago e Devleke, ta goleke mule ta achile lenge esnage inzarde po pusto.#Nm 14.29-30.
6Sa gala ezgode nakhle te sai amen sikiva te na manga o bilachipe sar von manglele.#Nm 11.4. 7Goleke tumen na blagosin avere delen sar cherde le nesave lendar, gia phenel o Pisipe:#Ek 32.6.
O sueto beslo te jal ta te piel, ta thodepe te blagosin avere delen chelimaia. 8Na da amen ando kurvaluko, sar cherde le nesave lendar, ta cheres gua ande iek llive mule bis ta trin milie llene.#Nm 25.1-18. 9Goleke na zumava e Kristo sar cherde le nesave lendar ta mule dandarde e sapendar.#Nm 21.5-6. 10Ta na den orbe bilache e Devleke, sar cherde le nesave lendar ta goleke o suecho e merimako mundarda len.#Nm 16.41-49.
11Sa gala ezgode nakhle amare puranenge ta achilo pisime ando Pisipe, te sai sikiva amen kai zivi ande gava vreme mai paluno. 12Goleke, gua kai mislilpe kai si zuralo, te arakhelpe te na perel. 13Tumen ni nakhlen iek zumadipe gia baro kai nasti terpilpe. Ta tumen sai pachan ando Del, kai ni ka mukel tumen te nakhen gia baro zumadipe kai tumen nasti ka terpin. Goleke, kana ka avel o zumadipe, o Del ka sikavel tumen te sai terpin o zumadipe ta te sai liken letar.#Mt 6.13.
14Goleke phlalalen kai voliv tumen, na blagosin avere delen. 15Tumen sen manusa bizai ta llanav kai acharen so phenav. 16Kana pia katar o taso kai si blagosime, lea blagosi e Devle, ta saurre la o rat e Kristoko, ta kana ja o marrno kai phagla, saurre la e esnaga e Kristoki.#Mt 26.26-28; Mk 14.22-24; Lk 22.19-20. 17I te sam but llene, saurre ja katar iek marrno ta gia cherdiva iek esnaga.
18Thoven sama po foro katar o Israel kai jan katar o mas kai diele kurbano ta von ande iek than po altar jan e llenenchar kai mundaren o kurbano.#Lv 7.6. 19Galea ni kamam phenav kai aver dela mol len vareso, ni kai o mas kai die gole delen si mai but neko varesavo mas. 20So mangav te phenav si kai kana e llene kai ni pachan ando Del den kurbano, den le e llavoloke, ta na e Devleke, ta me mangav te na avel tumen niso e llavolonenchar.#Dt 32.17. 21Nasti pien katar o taso e Gazdako ta i katar o taso e llavolonengo, ta nasti besen pe sinia e Gazdaki ta i pe sinia e llavolonengi.#2 Kor 6.15-16.
22¿A so, mangen o Del te joliaol? ¿A so, sam amen mai zurale neko o Del?#Ek 20.5; Dt 32.21.
Pomozin averen
23Nesave tumendar phenen: Me ni sem phanglo me sai cherav so me mangav. A but droma na sa so mangel o manus si lacho, ta na sa bariarel o pachape e manusengo.#1 Kor 6.12. 24Niko te na rodel peke o lachipe, mai sukar si te rodel o lachipe averenge.
25Kana ka llan kote kai bichinen mas jan katar sa so bichinen ta na mislin tumen katar avel gua mas. 26Soke e Gazdaki si e phuv ta sa so si ande late.#Sal 24.1; 50.12; 89.11.
27Vareko kai ni pachal te ikharela tumen te jan, ta tumen mangen llan, jan katar sa so thovela tumenge, ta na brigin tumen dal sai jalpe o iok. 28A kana vareko te phenela tumenge: Gava mas diele kurbano avere delenge, ondaka te na jan, cheres o lleno kai phenda le ta cheres leko mislo. 29Dau orba cheres o mislo ogolengo, na cheres tumaro mislo.#1 Kor 8.7-12. 30A me te dav fala e Devle cheres o jape ¿soke dosaren man kana dav fala pala gua jape? 31Goleke te jana o te piena, o te cherena aver ezgoda, cheren le sa te blagosin e Devle. 32Te na aven tumen e burkania e judionenge ta ni e llenenge kai inai judiura, ni golenge kai si katar e khanlliri e Devleki. 33Me suako ezgoda kai cherav cherav la pala o lachipe saurrengo, ta ni rodau mange o lachipe, me rodau o lachipe avere llenenge te sai aven braduime.
Currently Selected:
1 Korintios 10: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
