Ukunukuo 18
18
Guuraghwa gwa Babeli
1Nënaa asaa akëra, nëgamwona malaëka ungëja ugutununta ufuma girunde. Naa wina udaho üküü, na urëmi ugamwëkëwa gwa weru wakwe. 2Uvii, agaanga agahanya, “Wagwaa; Babeli në üküü wagwaa! Itungwee watendaa mikhao a masetani nanë vinyonyinyonyi në vivaya; watëndaa wë mikhao a nyonyi në mbe na yauhurisya ino. 3Gusoko anaa arëmi voong'e vagharëywe gwa divai ndülü a ufumbu wakwe. Atemi va muurëmi veesonoo vatëndie ufumbu vinakwe a suruji va muurëmi noo vaghwefee ufuma nkümbü yakwe nëitina gëghanjëyo.”
4Kangë nëgatëgheeya ruri ungëja ufuma girunde uguhanya,
“Antu vane, heghi kunë mweeso, mutakhuvëë mwënawe mu mahutyë akwe, mutaje uhanga ikuurëyo rakwe. 5Gusoko mahutyë akwe atëndie mingë ino, irundëëre faka girunde na Muungu waukumbukwa uvaya wakwe. 6Mutëndei mwino wamutëndee nyenye; murëfi mëhënjo ëvëë gwa asaa nëwamutëndee. Ijuyi gëtengee gakwe gwa gëntu ga unywa në gëlulu mëhënjo ëvëë ukëra ëkoo newamufee. 7Mufi makhasëko nanë uhungu viuyi mwino wijaghambui wakwe, nanë uduvi wakwe wa nkumbu në üküü. Gusoko ugurighëëtya gënkhonkhoo: ‘Nikhee afaa, nene në mukhema në mutëmi. Nene nti muhimbë, ntiuhangwa na uvai!’ 8Gusoko ësëë mavë në makuu ëgumuhanga gwa itiku rëmwedu: gërue, uvavi nanë njaa. Ine urighwa moto, gusoko Müküü Muungu munya uramua në Munya Udaho.”
9Atëmi va muurëmi nëvatëndie ulehadi vinawe nanë uduva vinawe uduwo wa nkumbu në nküü vëjie uhongeeya nanë urëa itungo në vëjie goona yuki ra muji usuu nëugufya. 10Vëgëmëka kurengë gusoko a googhofa makhasëko akwe nanë uhanya, “Hëhë! Hëhë! Babeli, muji në ukumukië na wina nguu! Gwa itungo ra saa ëmwedu gutufu ikuurëo rako raguhangaa.”
11Na avoo asuruji va muurëmi vëjie urëa na uhongeya, gusoko gutie muntu nëugughura kangë mantu akwe; 12gutie kangë wa ughura sahabu akwe, hela, magwe në a hela nküü nanë lulu, gatani nanë masaa a ikeru ra sambarau, hariri nanë masaa në makhooku; vife hiya hiya vya mëtë në ësya, vife vya mpembe ya njou, vya mëtë në a hela nküü nanguu, vya shaba, chuma nanë marmari; 13mudalasini, muhangënkhano wa mantu nëënyunkie vija, urumba, manemane, udi; divai, makuta, utu nanë ngano, ng'ombe nanë nkhoo, nyümbü nanë magarë agututwa, atüghwa vawe na mbesa uduwo wa antu. 14Asuruji vëumukhanëa, “Sao oong'e nënaa ugumëmërëa matë ahegha, ughwarë nanë gëkhajimba gagudua; utëuyahanga kangë!” 15Asuruji nëvaghwefee ufuma na muji uroo, vëjie uemëka kurenge gusoko a choghofi ga makhasëko akwe, vëjie unang'ana nanë uhongeya, 16Vëuhanya, “Hëhë! Hëhë! gwa muji në üküü. Wijëvëe urya masaa a gatani, a ikeru ra sambarau nanë re nkhoku, nanë gëtambëëya gwa sahabu, magwe a hela në nküü nanë lulu! 17Gwa saa ëmwedu gutufu ughwarë wako uguhegha!”
Kangë anyaufoya meli voong'e nanë anyamëhënjo vawe, anyamajë nanë voong'e nëvëutënda mwëmo girambo, vëgaëmëka kurengë, 18na nënaa varëona yuki ra moto uroo nëugufesya, vëgarëa gwa ruri: “Inadwëëra umuji mwino muji uru në üküü!” 19Vëgagihunwëra ukungu gunto a matwë awe vëgarëa gwa mihori nanë uhongeya vëuhanya: “Hëhë! Hëhë ako muji në üküü! Në muji në fana voong'e aghonjo a meli nëyiutëndaa mëhënjo girambo vaghwefee ufuma na ughwarë wakwe. Gwa itungo ra saa ëmwedu gutufu wayaghaya mu intu!”
20Yanji nyee irunde, gusoko a uruvëki wakwe. Yanji antu va Muungu atumami nanë anyagedaghu! Gusoko Muungu wauramue soko a mantu nëwavatëndee nyee!
21Na malaëka umwedu munya nguu nanguu agahumbua igwe nyinkhori a igwe iküü ra usyëra, agarëghumëa girambo agahanya, “Uvii Babeli ugujughutwa na uyaghaa rukuu. 22Nduri ya masumbë nanë wiino, nduri ya anya ukhuva biringë nanë mpembe itëutëgheeyewa kangë mukhatë ako. Gutie muremu woong'e wasuu nëugudwëëra kangë mukhatë ako; mba ruri wa igwe ra usyera utiutëgheeyewa kangë mukhatë ako. 23Weru wa gëmwë utiudwëëra kangë mukhatë ako; ndururi wa amukamwëma nanë ruri musyëda wa gëkhema uti utiëutëgheeyewa kangë mukhatë ako. Gusoko asuruji vako nenaa aküü muurëmi, gusoko ana arëmi voong'e vëjie ukhongwa na uroghi wako.”
24Muji usuu ugakuuriwa gusoko mukhatë ayo ëgahangëka saghami a anyagedaghu, saghami a antu va Muungu nanë saghami a antu voong'e nëvauraghiëwe muurëmi.
Currently Selected:
Ukunukuo 18: RIMRC
Highlight
Copy
Compare
Share
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
Ukunukuo 18
18
Guuraghwa gwa Babeli
1Nënaa asaa akëra, nëgamwona malaëka ungëja ugutununta ufuma girunde. Naa wina udaho üküü, na urëmi ugamwëkëwa gwa weru wakwe. 2Uvii, agaanga agahanya, “Wagwaa; Babeli në üküü wagwaa! Itungwee watendaa mikhao a masetani nanë vinyonyinyonyi në vivaya; watëndaa wë mikhao a nyonyi në mbe na yauhurisya ino. 3Gusoko anaa arëmi voong'e vagharëywe gwa divai ndülü a ufumbu wakwe. Atemi va muurëmi veesonoo vatëndie ufumbu vinakwe a suruji va muurëmi noo vaghwefee ufuma nkümbü yakwe nëitina gëghanjëyo.”
4Kangë nëgatëgheeya ruri ungëja ufuma girunde uguhanya,
“Antu vane, heghi kunë mweeso, mutakhuvëë mwënawe mu mahutyë akwe, mutaje uhanga ikuurëyo rakwe. 5Gusoko mahutyë akwe atëndie mingë ino, irundëëre faka girunde na Muungu waukumbukwa uvaya wakwe. 6Mutëndei mwino wamutëndee nyenye; murëfi mëhënjo ëvëë gwa asaa nëwamutëndee. Ijuyi gëtengee gakwe gwa gëntu ga unywa në gëlulu mëhënjo ëvëë ukëra ëkoo newamufee. 7Mufi makhasëko nanë uhungu viuyi mwino wijaghambui wakwe, nanë uduvi wakwe wa nkumbu në üküü. Gusoko ugurighëëtya gënkhonkhoo: ‘Nikhee afaa, nene në mukhema në mutëmi. Nene nti muhimbë, ntiuhangwa na uvai!’ 8Gusoko ësëë mavë në makuu ëgumuhanga gwa itiku rëmwedu: gërue, uvavi nanë njaa. Ine urighwa moto, gusoko Müküü Muungu munya uramua në Munya Udaho.”
9Atëmi va muurëmi nëvatëndie ulehadi vinawe nanë uduva vinawe uduwo wa nkumbu në nküü vëjie uhongeeya nanë urëa itungo në vëjie goona yuki ra muji usuu nëugufya. 10Vëgëmëka kurengë gusoko a googhofa makhasëko akwe nanë uhanya, “Hëhë! Hëhë! Babeli, muji në ukumukië na wina nguu! Gwa itungo ra saa ëmwedu gutufu ikuurëo rako raguhangaa.”
11Na avoo asuruji va muurëmi vëjie urëa na uhongeya, gusoko gutie muntu nëugughura kangë mantu akwe; 12gutie kangë wa ughura sahabu akwe, hela, magwe në a hela nküü nanë lulu, gatani nanë masaa a ikeru ra sambarau, hariri nanë masaa në makhooku; vife hiya hiya vya mëtë në ësya, vife vya mpembe ya njou, vya mëtë në a hela nküü nanguu, vya shaba, chuma nanë marmari; 13mudalasini, muhangënkhano wa mantu nëënyunkie vija, urumba, manemane, udi; divai, makuta, utu nanë ngano, ng'ombe nanë nkhoo, nyümbü nanë magarë agututwa, atüghwa vawe na mbesa uduwo wa antu. 14Asuruji vëumukhanëa, “Sao oong'e nënaa ugumëmërëa matë ahegha, ughwarë nanë gëkhajimba gagudua; utëuyahanga kangë!” 15Asuruji nëvaghwefee ufuma na muji uroo, vëjie uemëka kurenge gusoko a choghofi ga makhasëko akwe, vëjie unang'ana nanë uhongeya, 16Vëuhanya, “Hëhë! Hëhë! gwa muji në üküü. Wijëvëe urya masaa a gatani, a ikeru ra sambarau nanë re nkhoku, nanë gëtambëëya gwa sahabu, magwe a hela në nküü nanë lulu! 17Gwa saa ëmwedu gutufu ughwarë wako uguhegha!”
Kangë anyaufoya meli voong'e nanë anyamëhënjo vawe, anyamajë nanë voong'e nëvëutënda mwëmo girambo, vëgaëmëka kurengë, 18na nënaa varëona yuki ra moto uroo nëugufesya, vëgarëa gwa ruri: “Inadwëëra umuji mwino muji uru në üküü!” 19Vëgagihunwëra ukungu gunto a matwë awe vëgarëa gwa mihori nanë uhongeya vëuhanya: “Hëhë! Hëhë ako muji në üküü! Në muji në fana voong'e aghonjo a meli nëyiutëndaa mëhënjo girambo vaghwefee ufuma na ughwarë wakwe. Gwa itungo ra saa ëmwedu gutufu wayaghaya mu intu!”
20Yanji nyee irunde, gusoko a uruvëki wakwe. Yanji antu va Muungu atumami nanë anyagedaghu! Gusoko Muungu wauramue soko a mantu nëwavatëndee nyee!
21Na malaëka umwedu munya nguu nanguu agahumbua igwe nyinkhori a igwe iküü ra usyëra, agarëghumëa girambo agahanya, “Uvii Babeli ugujughutwa na uyaghaa rukuu. 22Nduri ya masumbë nanë wiino, nduri ya anya ukhuva biringë nanë mpembe itëutëgheeyewa kangë mukhatë ako. Gutie muremu woong'e wasuu nëugudwëëra kangë mukhatë ako; mba ruri wa igwe ra usyera utiutëgheeyewa kangë mukhatë ako. 23Weru wa gëmwë utiudwëëra kangë mukhatë ako; ndururi wa amukamwëma nanë ruri musyëda wa gëkhema uti utiëutëgheeyewa kangë mukhatë ako. Gusoko asuruji vako nenaa aküü muurëmi, gusoko ana arëmi voong'e vëjie ukhongwa na uroghi wako.”
24Muji usuu ugakuuriwa gusoko mukhatë ayo ëgahangëka saghami a anyagedaghu, saghami a antu va Muungu nanë saghami a antu voong'e nëvauraghiëwe muurëmi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.