Ukunukuo 17
17
Mufumbu në Müküü
1Umwedu wa vamalaëka vasaa në vëmufungatë nënaa vina bakuri agaja, agankhanëa, “Njuu, nenoo nguguraghëëra ikuureo nëwafewa uyoo mufumbu në müküü, muji uroo në üküü nëujengiwe gunto a majë mingë. 2Atemi va muurëmi vatëndie ulehadi itambëëmwe vinakwe; nanë anyaghikhaa muurëmi vëgheetë divai a ulehadi wakwe.”
3Kangë Mwahu agang'anga, agantongeera faka ung'e në njeruchwë. Kuuko nëgamwona mukhema wikhee gunto a imwana ikhooku. Imwana rasëë naa rëandëkiwe mwëërë woong'e mina a maraghanëyo në mavë; naa rina matwe ëmufungatë nanë mpembe ikumi. 4Mukhema wasuu naa urye isaa ra ikeru rasambarau na rekhooku; na utambëeywe na sahabu, magwe në a hela nküü nanë lulu. Umukhono wakwe naa ukwatëëre gëtengee ga sahabu naa gijue mahürësyo nanë mantu në mavaya nëëraghëre ulehadi wakwe. 5Naa wandëkiwe gunto a usyu wakwe rina ra mumpiinda, “Babeli në müküü, yiu wa alehadi nanë mantu oong'e auhurësya ino muurëmi.” 6Nëgamwona mukhema uyoo ugheetë saghami ya antu va Muungu, nanë saghami ya antu nëvauraghiwe gusoko a umutanantya Yesu.
Nënaa namwona nëgataka ino. 7Ëgweeso malaëka agankhanëa, “Gusokoke ugutaka? Nene ngugukhanëa ryana nërifihie ra mukhema uyoo nanë imwana ëroo në rëmukwëtë në rina matwe ëmufungatë nanë mpembe ikumi. 8Imwana ëroo nëwarëgune naa ifanga afoo mwandyo, ëgweeso itungwee rakure. Mbesa uvii, fifë ino ugunatëa ufuma gëkhombo gwarungu, ëgweeso uguuraghwa. Anyauduva muurëmi vëutaka; nhaa, antu voong'e unë mina awe inaandëkwa mu gëtabu ga ufanga ufuma mwandyo wa urëmi, vëutaka urëona imwana ëroo unë afoo mwandyo, naa rifanga, kangë rakuya na itungwee radwëëra kangë.
9“Afaa ëgufenjiwa ihaa ra gëuntu na ihaa ra Muungu! Matwë ayoo në ëmufungatë në vitanto vimufungatë, nanë mukhema uyoo ne wikhee gunto ayo. Matwe asaa noo në atemi vëmufungatë. 10Mukhatë a atemi avoo në vëmufungatë, vatano vakure, umwedu kë wibalie, na ungëja uyoo kë inafika; nane kë wafika ugusagha gwa itungo ikufë. 11Imwana ëroo unë naa ifanga afoo mwandyo ëgweeso itungwee të ifanga kangë në atemi vëmunana, rëësonoo rë mukhatë avoo në vëmufungatë, na rënjë kunë rënjë rende uruvangwa.
12“Mpembe ëyoo në yi ikumi nëwayighune në atemi në kë vinaandya gibala. Ëgweeso vëufëwa udaho wa gibala gwa itungo ra saa ëmwedu itambëëmwe nanë imwana ëroo. 13Ndolyo a vaa në viikumi në ëmwedu, na vëurëfa imwana ëroo nguu na udaho wawe woong'e. 14Vëjie gikhuva na Mwankhoo, ëgweeso Mwankhoo itambëëmwe na avoo nëwavaëtanie na uvahwania, nanë ahuvëi, uguvahuma gusoko mweeso në Müküü wa aküü na Mutemi wa atemi.”
15Malaëka noo agankhanëa, “Majë ayoo nëwayaghune afoo fana naa wikhee mufumbu uyoo në anaa arëmi, antu va mu ikeru na murighëëtyo. 16Mpembe ëyoo në yi ikumi nëwayighunee nanë imwana ëroo vëumuhura mufumbu uyoo. Vëuhora mu gëntu në ugëkwëtë na umureka wë gëfuyu; vëula nyama akwe na umurungwëëya gwa moto. 17Gusoko Muungu watëndee munkhoo yawe nkümbü a utënda ndolyo awe, unë gwa girumëya veeso na urëfa imwana ëroo udaho wawe wa gibala, faka afoo në ukhani wa Muungu ujie nteente.
18“Mukhema uyoo nëwamughune unë muji uroo në üküü nëuvibalëtë atemi va urëmi.”
Currently Selected:
Ukunukuo 17: RIMRC
Highlight
Copy
Compare
Share
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
Ukunukuo 17
17
Mufumbu në Müküü
1Umwedu wa vamalaëka vasaa në vëmufungatë nënaa vina bakuri agaja, agankhanëa, “Njuu, nenoo nguguraghëëra ikuureo nëwafewa uyoo mufumbu në müküü, muji uroo në üküü nëujengiwe gunto a majë mingë. 2Atemi va muurëmi vatëndie ulehadi itambëëmwe vinakwe; nanë anyaghikhaa muurëmi vëgheetë divai a ulehadi wakwe.”
3Kangë Mwahu agang'anga, agantongeera faka ung'e në njeruchwë. Kuuko nëgamwona mukhema wikhee gunto a imwana ikhooku. Imwana rasëë naa rëandëkiwe mwëërë woong'e mina a maraghanëyo në mavë; naa rina matwe ëmufungatë nanë mpembe ikumi. 4Mukhema wasuu naa urye isaa ra ikeru rasambarau na rekhooku; na utambëeywe na sahabu, magwe në a hela nküü nanë lulu. Umukhono wakwe naa ukwatëëre gëtengee ga sahabu naa gijue mahürësyo nanë mantu në mavaya nëëraghëre ulehadi wakwe. 5Naa wandëkiwe gunto a usyu wakwe rina ra mumpiinda, “Babeli në müküü, yiu wa alehadi nanë mantu oong'e auhurësya ino muurëmi.” 6Nëgamwona mukhema uyoo ugheetë saghami ya antu va Muungu, nanë saghami ya antu nëvauraghiwe gusoko a umutanantya Yesu.
Nënaa namwona nëgataka ino. 7Ëgweeso malaëka agankhanëa, “Gusokoke ugutaka? Nene ngugukhanëa ryana nërifihie ra mukhema uyoo nanë imwana ëroo në rëmukwëtë në rina matwe ëmufungatë nanë mpembe ikumi. 8Imwana ëroo nëwarëgune naa ifanga afoo mwandyo, ëgweeso itungwee rakure. Mbesa uvii, fifë ino ugunatëa ufuma gëkhombo gwarungu, ëgweeso uguuraghwa. Anyauduva muurëmi vëutaka; nhaa, antu voong'e unë mina awe inaandëkwa mu gëtabu ga ufanga ufuma mwandyo wa urëmi, vëutaka urëona imwana ëroo unë afoo mwandyo, naa rifanga, kangë rakuya na itungwee radwëëra kangë.
9“Afaa ëgufenjiwa ihaa ra gëuntu na ihaa ra Muungu! Matwë ayoo në ëmufungatë në vitanto vimufungatë, nanë mukhema uyoo ne wikhee gunto ayo. Matwe asaa noo në atemi vëmufungatë. 10Mukhatë a atemi avoo në vëmufungatë, vatano vakure, umwedu kë wibalie, na ungëja uyoo kë inafika; nane kë wafika ugusagha gwa itungo ikufë. 11Imwana ëroo unë naa ifanga afoo mwandyo ëgweeso itungwee të ifanga kangë në atemi vëmunana, rëësonoo rë mukhatë avoo në vëmufungatë, na rënjë kunë rënjë rende uruvangwa.
12“Mpembe ëyoo në yi ikumi nëwayighune në atemi në kë vinaandya gibala. Ëgweeso vëufëwa udaho wa gibala gwa itungo ra saa ëmwedu itambëëmwe nanë imwana ëroo. 13Ndolyo a vaa në viikumi në ëmwedu, na vëurëfa imwana ëroo nguu na udaho wawe woong'e. 14Vëjie gikhuva na Mwankhoo, ëgweeso Mwankhoo itambëëmwe na avoo nëwavaëtanie na uvahwania, nanë ahuvëi, uguvahuma gusoko mweeso në Müküü wa aküü na Mutemi wa atemi.”
15Malaëka noo agankhanëa, “Majë ayoo nëwayaghune afoo fana naa wikhee mufumbu uyoo në anaa arëmi, antu va mu ikeru na murighëëtyo. 16Mpembe ëyoo në yi ikumi nëwayighunee nanë imwana ëroo vëumuhura mufumbu uyoo. Vëuhora mu gëntu në ugëkwëtë na umureka wë gëfuyu; vëula nyama akwe na umurungwëëya gwa moto. 17Gusoko Muungu watëndee munkhoo yawe nkümbü a utënda ndolyo awe, unë gwa girumëya veeso na urëfa imwana ëroo udaho wawe wa gibala, faka afoo në ukhani wa Muungu ujie nteente.
18“Mukhema uyoo nëwamughune unë muji uroo në üküü nëuvibalëtë atemi va urëmi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.