2Kɔr Ndibned ń kálag

Ndibned ń kálag

Enɛ́n kálag chɔ́ edé kálag echě elóntɛ́né ébɛ, echě Paalɛ áténlé bad bé dyad á Kɔrinto áde ábédé á Masɛdonia. Paalɛ antěl chɔ́ á póndé echě mam méekageʼaá bɔ́ɔbɛ mwembé ḿme ḿbédé á Kɔrinto. Bad behɔ́g átîntê e ḿmê mwembé bénhɔ̄b Paalɛ mekan mé mbéb á yə̌l, boŋ kénɛ̂ Paalɛ anwóŋ nlém bwâmbwam aá bɔ́ɔ̄bɔ̄ɔ bétim ásē. Áde bêntimmé-ʼɛ ásē, Paalɛ anwóg menyiŋge bwâmbwam. Á kálag-tê wɛ́n, Paalɛ ahɔ́bé ngáne bɔ́ɔbɛ bad bé mwembé bé Kɔrinto bémbɛ̄ɛ̄. Áwēd-te ahɔ́bé nzɔm echě ekəə́ boŋ áteléʼ enɛ́n kálag ne eʼyale ábe éʼwúú áte tə̂ŋgɛne nzyə́ŋ éche ákúdé ne atyéemɛn áde baahɔ́g átîntê e mwembé bétyéémánnáá mɔ́. Alúmté-ʼɛ ḿmē menyiŋge ngáne nyaa echě átélé enɛ́n kálag, ébɛ́lé bad bétɛ́dté abɛl dé mbéb boŋ bɔ́ɔ̄bɔ̄ɔ bétīm-mɛ ásē. Acháa-ʼɛ mwembé aá bésaa mɔné ne nlém nhɔ́g âwóŋgɛn betóótōkɛ̄ bé bad bé Krǐsto ábe bébédé á mbwɔ́g e Judeya. Á kálag-tê wɛ̂ ámpē, Paalɛ ahɔ́be mekan âlúmed aá mɔ́bēdē mbapɛɛ a nlómag a mbále awě Yesu Krǐstəə. Ambɛl nɛ́n áyə̄le nguse é bad ébédé á Kɔrinto échě ênchəg yə̌l bán bembapɛɛ bé nlómag bé mbále ábe Krǐstəə, bán Paalɛ-ʼɛ adé mbapɛɛ a nlómag a metóm.

Nkabtéd ń kálag

Ndibned ń kálag 1.1-11

Paalɛ ne mwembé ń dyad á Kɔrinto 1.12-7.16

Âsaŋned bad bé Krǐsto á mbwɔ́g e Judeya mɔné 8.1-9.15

Paalɛ mbapɛɛ a nlómag a mbále awě Krǐstəə 10.1-13.10

Melɛntɛn mé asóg 13.11-13

Currently Selected:

2Kɔr Ndibned ń kálag: bss

Highlight

Copy

Want to have your highlights saved across all your devices? Sign up or sign in

Learn More About Melɛ̌ Mékɔ̄ɔ̄lē

2Kɔr Ndibned ń kálag

Popular Bible Verses from
2Kɔr Ndibned ń kálag

Bible:

Akoose

Version: Melɛ̌ Mékɔ̄ɔ̄lē - bss