Hena Waroma 9
9
1Nighamba kididi ghati ye Kristo, sichwa maongo mi, lusaro lwangu lukiwonja mburi ghati ya Ngoma Mshenete, 2ti nina wukiwa wubaha na luwawo lusiiting’o ngoroni hangu. 3Amu nikikunda ti mi mwenye niokie anathema hena Kristo hena lwa wandwetu, iwee langu hena muri: 4ewo Waisraeli: ewo hawo kuoshiwa waana, na kirumi, na maaghanyo, na kuingwa sheria, na luhirio lwa Izuwa, na matemiano: 5ewo wawo waapa, na kufuma hawo Kristo eoho hena mburi ya muri, eye wanga ya vyose, Izuwa mtasiwa ndarasi. 6Esai. Kake si sa kiteto kya Izuwa kyateka. Amu siwo wose waoka Waisraeli, ewo wa kufuma hakwe Israeli: 7nete, amu waoka mkuju wa Ibrahimu, wose ni waana; kake, Ghati ya Isaak mkuju wako uneitangwa. 8Nikyo, si waana wa muri niwo waana wa Izuwa, kake waana wa lutemiano wetarwa hena mkuju. 9Amu iki nikyo kiteto kya lutemiano, Hena kiimo iki nineza, na Sarah eneoka na mwana wa kiume. 10Na si huwo tiki: kake Rebekah pia ekiemea hena mwe, hene apa wetu Isaak 11— Amu waana wekioka wesimewonwa, nete wesimeketa kindu akeye kyedi kana kiwiwi, nesa kulula kwakwe Izuwa hena lusaghuro kuwone kuikaa, si hena mihiro, nde hena ula aitanga, 12mche ewurriwe, Mbaha enemtumikia mdongo. 13Sandu itamiwe, Yakobo nemkundie, kake Esau nimshishirwe.
14Tughambe kinira? Hena wusiwungalo hakwe Izuwa? Kiwawe. 15Amu amburra Musa, Ninemsaria ula nimsaria, na ninemketia lunini ula nimketia lunini. 16Huwo si kya ula ekundie, nete kya ula edindika, nde kya Izuwa esaria. 17Amu itamo limburra Farao, Hena kulula ukuuku nikuwushije, niwonyanye zinya yangu hako, na izina langu liwone kutindwa raa masangeni hose. 18Huwora emsaria ula ekunda, na ula ekunda emgumija.
19Uneniwurrara, Nini alandu embohia? amu niani ebighana na kila ekikundie? 20Hai kake, mundu we, uani we umtalue Izuwa? Kindu kiarehwe kinemburra ula ekiarehie, Nini uniarehe huwu? 21Kana muwumbi tenaye luidimo wanga ya iwumba, hena iloilo kuareha ifungu imwe lioke kiya hena nganyi, na kingi kioke esikya nganyi? 22Nikini ije Izuwa, ekikunda kuwonyanya oro yakwe, na kuosha zinya yakwe kutisiwika, hena lugumirio lwingi etikana na viya vya oro vyeinarwe na lutesho: 23na awone kutisiwija wandu lumazo lwa kirumi kyakwe wanga ya viya vya lusario, evyo eviarehie kuwoka hena kirumi, 24nivyo uswi, etuitange pia, si kufuma Wayahudi tiki, nde na kufuma Mambare pia? 25Sandu eteta pia hena Hosea, Ninewaitanga wala wandu wangu, ewo wesiokie wandu wangu; na ula mche ekundike, eye esiokie ekundike. 26Na kineoka, ti handu hala wewurriwa, unywi si wandu wangu, niho weneitangwa waana wa Izuwa eoho na moo. 27Na Isaya ewalozia Israeli, Ije kutara kwa waana ua Israeli kuoka sa mzangazi wa bahari, ishighajiko nilo linekijwa: 28amu Mzuri enekiareha kiteto kyakwe wanga ya isanga, ekikiidiwa na ekikichwa kifuhi. 29Na, sandu Isaya etetie kuwoka, Esikila Mzuri wa Sabaoth etushighie mkuju, twekioka sa Sodoma, na tukifwanana na Gomorra.
30Tughambe kinira? Ti Mambare, wesiratere ngalo, weifikie ngalo, mtano ngalo eyo ya luitikijo: 31kake Israeli, wekiratera sheria ya ngalo, teweifikia sheria ila. 32Hena lwa kini? Amu teweienda hena luitikijo, nde sa hena mihiro. Wekubighie msadara hena ibwe la msadara; 33Sandu itamiwe, Yoa, nawika hena Sayuni ibwe la msadara, na ibwe ibaha la mateshanyo: naye emwitikija tekagerwe nguruna.
Currently Selected:
Hena Waroma 9: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
Hena Waroma 9
9
1Nighamba kididi ghati ye Kristo, sichwa maongo mi, lusaro lwangu lukiwonja mburi ghati ya Ngoma Mshenete, 2ti nina wukiwa wubaha na luwawo lusiiting’o ngoroni hangu. 3Amu nikikunda ti mi mwenye niokie anathema hena Kristo hena lwa wandwetu, iwee langu hena muri: 4ewo Waisraeli: ewo hawo kuoshiwa waana, na kirumi, na maaghanyo, na kuingwa sheria, na luhirio lwa Izuwa, na matemiano: 5ewo wawo waapa, na kufuma hawo Kristo eoho hena mburi ya muri, eye wanga ya vyose, Izuwa mtasiwa ndarasi. 6Esai. Kake si sa kiteto kya Izuwa kyateka. Amu siwo wose waoka Waisraeli, ewo wa kufuma hakwe Israeli: 7nete, amu waoka mkuju wa Ibrahimu, wose ni waana; kake, Ghati ya Isaak mkuju wako uneitangwa. 8Nikyo, si waana wa muri niwo waana wa Izuwa, kake waana wa lutemiano wetarwa hena mkuju. 9Amu iki nikyo kiteto kya lutemiano, Hena kiimo iki nineza, na Sarah eneoka na mwana wa kiume. 10Na si huwo tiki: kake Rebekah pia ekiemea hena mwe, hene apa wetu Isaak 11— Amu waana wekioka wesimewonwa, nete wesimeketa kindu akeye kyedi kana kiwiwi, nesa kulula kwakwe Izuwa hena lusaghuro kuwone kuikaa, si hena mihiro, nde hena ula aitanga, 12mche ewurriwe, Mbaha enemtumikia mdongo. 13Sandu itamiwe, Yakobo nemkundie, kake Esau nimshishirwe.
14Tughambe kinira? Hena wusiwungalo hakwe Izuwa? Kiwawe. 15Amu amburra Musa, Ninemsaria ula nimsaria, na ninemketia lunini ula nimketia lunini. 16Huwo si kya ula ekundie, nete kya ula edindika, nde kya Izuwa esaria. 17Amu itamo limburra Farao, Hena kulula ukuuku nikuwushije, niwonyanye zinya yangu hako, na izina langu liwone kutindwa raa masangeni hose. 18Huwora emsaria ula ekunda, na ula ekunda emgumija.
19Uneniwurrara, Nini alandu embohia? amu niani ebighana na kila ekikundie? 20Hai kake, mundu we, uani we umtalue Izuwa? Kindu kiarehwe kinemburra ula ekiarehie, Nini uniarehe huwu? 21Kana muwumbi tenaye luidimo wanga ya iwumba, hena iloilo kuareha ifungu imwe lioke kiya hena nganyi, na kingi kioke esikya nganyi? 22Nikini ije Izuwa, ekikunda kuwonyanya oro yakwe, na kuosha zinya yakwe kutisiwika, hena lugumirio lwingi etikana na viya vya oro vyeinarwe na lutesho: 23na awone kutisiwija wandu lumazo lwa kirumi kyakwe wanga ya viya vya lusario, evyo eviarehie kuwoka hena kirumi, 24nivyo uswi, etuitange pia, si kufuma Wayahudi tiki, nde na kufuma Mambare pia? 25Sandu eteta pia hena Hosea, Ninewaitanga wala wandu wangu, ewo wesiokie wandu wangu; na ula mche ekundike, eye esiokie ekundike. 26Na kineoka, ti handu hala wewurriwa, unywi si wandu wangu, niho weneitangwa waana wa Izuwa eoho na moo. 27Na Isaya ewalozia Israeli, Ije kutara kwa waana ua Israeli kuoka sa mzangazi wa bahari, ishighajiko nilo linekijwa: 28amu Mzuri enekiareha kiteto kyakwe wanga ya isanga, ekikiidiwa na ekikichwa kifuhi. 29Na, sandu Isaya etetie kuwoka, Esikila Mzuri wa Sabaoth etushighie mkuju, twekioka sa Sodoma, na tukifwanana na Gomorra.
30Tughambe kinira? Ti Mambare, wesiratere ngalo, weifikie ngalo, mtano ngalo eyo ya luitikijo: 31kake Israeli, wekiratera sheria ya ngalo, teweifikia sheria ila. 32Hena lwa kini? Amu teweienda hena luitikijo, nde sa hena mihiro. Wekubighie msadara hena ibwe la msadara; 33Sandu itamiwe, Yoa, nawika hena Sayuni ibwe la msadara, na ibwe ibaha la mateshanyo: naye emwitikija tekagerwe nguruna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.