Hena Waroma 10
10
1Wandwetu, kila kikundiwe na ngoro yangu na kusemba kwangu kwa Israeli ha Izuwa henawo nikyo iki, wawone kukijwa. 2Amu nawang’olia mburi ti wena lunyarki hena Izuwa, nde si hena lutwarijo. 3Amu wekioka tewetisiwe ngalo yakwe Izuwa, na wekienda kuiduwija yawo wenye, tewekugerie si ya ngalo yakwe Izuwa. 4Amu Kristo ni mwidiwiko wa sheria hena ngalo hena mundu ose eitikija. 5Amu Musa etama ti mundu eareha ngalo eyo hena sheria enekia henayo. 6Kake ngalo eyo ya luitikijo lwateta huwu, Usighambe ngoroni hako, Niani enekwea wanga? (nikyo, kumseja Kristo); 7Kana, Niani enesea na abusso? (nikyo, kumkweja Kristo kufuma wefwie.) 8Kake yatetaze? Kiteto kioho afuhi yako, ghati ya itumbu lako, na ghati ya ngoro yako: nikyo, kiteto kya luitikijo, ekyo tukitinda. 9Amu ukighamba na itumbu lako ti Yesu ni Mzuri, na ukiitikija ngoroni hako ti Izuwa emrushije kufuma wefwie, unekijwa. 10Amu hena ngoro mundu eitikija hena ngalo; na hena itumbu lughambo luarehwa hena lukio. 11Amu itamo lateta, Ose eitikija hena ye tekagerwe nguruna. 12Amu tehena wutanyo ghati ya Myahudi na Myonani: amu Mzuri uouo ni Mzuri wa wose, na ni mmazi hena wose wemwitanga: 13amu, Ose eneliitangia izina la Mzuri enekijwa. 14Nize wenemwitanga ula wesimwitikije? na nize wenemwitikija ula wesimemsikie? na nize wenesikia wesina mtinda? 15Na nize wenetinda esire ti weingijwe? sandu itamiwe, Ni medi sa kini maghu mawo weete anjili ya vindu vyedi!
16Kake tewesikie wose anjili. Amu Isaya eteta, Mzuri, niani eitikije mburi jetu? 17Huwo kuitikija ni hena kusikia, na kusikia hena kiteto kya Kristo. 18Kake naghamba, Tewesikie? ee, kididi. Ngori yawo ifumie hena masanga mose, na viteto vyawo hena miidiwiko ya masanga. 19Kake naghamba, Israeli tetisiwe? Kuwoka hena Musa etata, Ninemuwusha hena kuneng’a na ila esiyo mbare, na hena mbare isina kutwarija ninemureghija. 20Na Isaya ekaria muno, na eteta, Niwoniwe nawo wesiniendie; nikaoka raa hawo wesiniombie. 21Kake hena mburi ya Israeli eteta, Hemusi puti nirongie mikono yangu hena wandu wegolong’i na wekanani.
Currently Selected:
Hena Waroma 10: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
Hena Waroma 10
10
1Wandwetu, kila kikundiwe na ngoro yangu na kusemba kwangu kwa Israeli ha Izuwa henawo nikyo iki, wawone kukijwa. 2Amu nawang’olia mburi ti wena lunyarki hena Izuwa, nde si hena lutwarijo. 3Amu wekioka tewetisiwe ngalo yakwe Izuwa, na wekienda kuiduwija yawo wenye, tewekugerie si ya ngalo yakwe Izuwa. 4Amu Kristo ni mwidiwiko wa sheria hena ngalo hena mundu ose eitikija. 5Amu Musa etama ti mundu eareha ngalo eyo hena sheria enekia henayo. 6Kake ngalo eyo ya luitikijo lwateta huwu, Usighambe ngoroni hako, Niani enekwea wanga? (nikyo, kumseja Kristo); 7Kana, Niani enesea na abusso? (nikyo, kumkweja Kristo kufuma wefwie.) 8Kake yatetaze? Kiteto kioho afuhi yako, ghati ya itumbu lako, na ghati ya ngoro yako: nikyo, kiteto kya luitikijo, ekyo tukitinda. 9Amu ukighamba na itumbu lako ti Yesu ni Mzuri, na ukiitikija ngoroni hako ti Izuwa emrushije kufuma wefwie, unekijwa. 10Amu hena ngoro mundu eitikija hena ngalo; na hena itumbu lughambo luarehwa hena lukio. 11Amu itamo lateta, Ose eitikija hena ye tekagerwe nguruna. 12Amu tehena wutanyo ghati ya Myahudi na Myonani: amu Mzuri uouo ni Mzuri wa wose, na ni mmazi hena wose wemwitanga: 13amu, Ose eneliitangia izina la Mzuri enekijwa. 14Nize wenemwitanga ula wesimwitikije? na nize wenemwitikija ula wesimemsikie? na nize wenesikia wesina mtinda? 15Na nize wenetinda esire ti weingijwe? sandu itamiwe, Ni medi sa kini maghu mawo weete anjili ya vindu vyedi!
16Kake tewesikie wose anjili. Amu Isaya eteta, Mzuri, niani eitikije mburi jetu? 17Huwo kuitikija ni hena kusikia, na kusikia hena kiteto kya Kristo. 18Kake naghamba, Tewesikie? ee, kididi. Ngori yawo ifumie hena masanga mose, na viteto vyawo hena miidiwiko ya masanga. 19Kake naghamba, Israeli tetisiwe? Kuwoka hena Musa etata, Ninemuwusha hena kuneng’a na ila esiyo mbare, na hena mbare isina kutwarija ninemureghija. 20Na Isaya ekaria muno, na eteta, Niwoniwe nawo wesiniendie; nikaoka raa hawo wesiniombie. 21Kake hena mburi ya Israeli eteta, Hemusi puti nirongie mikono yangu hena wandu wegolong’i na wekanani.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.