Hena Waroma 6
6
1Tughambezera? tuikae ghati ya ng’oki, nesa mvono iwone kuizua? 2kiwawe. Uswi tuifwie ng’oki, nize tuneikaawa ndeni yayo? 3Kana tomutisiwa ti uswi wose tubatizwe ghati ya Kristo Yesu tubatizwe ghati ya kifwa kyakwe? 4Hena lwa iyo tujikiwe kimwe naye hena lubatizo mtano kifwa: nesa sandu Kristo erushijwe kufuma wefwie hena kirumi kya Apa, huwo na uswi pia tusele hena wusha wa moo. 5Amu ije uswi twaoka tulungana naye hena fwana ya kifwa kyakwe, tuneoka pia hena fwana ya kuruka kwakwe: 6tukitisiwa iki, ti mundu wetu wa kae uwanikwe hamwe naye, nesa muri wa ng’oki uwone kuteka, tusiikaewa hena wuzoro wa ng’oki; 7amu ula efwie earehiwa ngalo hena ng’oki. 8-9Amu ije tufwie kimwe na Kristo, twaitikija ti tunekia pia kimwe naye; tukitisiwa ti Kristo ekirushwa kufuma wefwie tefwawa; kifwa tekina zinyawa wanga yakwe. 10Amu kifwa kila ekifwie eifwie ng’oki kandu kamwe: kake moo eoho nagho, hena Izuwa. 11Huwo na unywi pia mukutare kuoka wefwie hena ng’oki, nde weoho na moo hena Izuwa ghati ya Kristo Yesu.
12Hena lwa iyo ng’oki isiitore ghati ya muri wenyu, mumainge isikio malangwa mayo: 13nete musimawike marungo menyu nareta ja wusiwungalo: kake mukuwike hena Izuwa sa muoho na moo kufuma wefwie, na marungo menyu sa nareta ja ngalo hena Izuwa. 14Amu ng’oki teineoka na zinya wanga yenyu: amu tomuoho si ya sheria, nde si ya mvono.
15Nikinira? tukete ng’oki, amu totuoho si ya sheria, nde si ya mvono? kiwawe. 16Tomutisiwa, ti hena ula mwakuwika wenye sa wazoro hena kumwinga isikio, mu wazoro wakwe ula mwaminga isikio: ije wa ng’oki hena kifwa, kana wa kuinga‐isikio hena ngalo? 17Kake Izuwa aanjelwe, ti, ikioka mweokie wazoro wa ng’oki, muoshijwe wa kuinga‐isikio na ngoro hena ila fwana ya ilosho muingiwe: 18na muking’olwa ghati ya wuzoro wa ng’oki, mukaoshwa wazoro wa ngalo. 19Nateta hena mikayie ya wandu amu ya wunana wa muri wenyu: amu sandu muwikie marungo menyu wazoro wa ikwe na wa owiwi mtano owiwi, huwo ingeriaha mawikeni marungo menyu wazoro wa ngalo hena wushenetijo. 20Amu mukinaoke wazoro wa ng’oki, mweokie esiwazoro hena ngalo. 21Ni ndunda ani mwehetera magheri mala ghati ya vindu vila henavyo ingeriaha muna nguruna? amu kuidiwika kwa vindu ivi ni kifwa. 22Kake ingeriaha mukiidiwa kuoshwa esiwazoro hena ng’oki, na kuoka wazoro hena Izuwa, muna ndunda yenyu hena wushenetijo, na kuidiwika moo wa ndarasi. 23Amu wuesi wa ng’oki ni kifwa, kake kiingijo‐kya‐wesho kya Izuwa ni moo wa ndarasi ghati ya Kristo Yesu Mzuri wetu.
Currently Selected:
Hena Waroma 6: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
